「神隱」李珊珊回帶少女時 為人仗義大膽鬧爆大陸編劇

提起李珊珊，第一時間諗起佢選過港姐，仲有《鑑證實錄》入面嘅小棠菜。不過近年佢鮮有岀現係大家眼前，原因係身體唔太好，飽受疾病折磨，佢亦因此「神隠」咗七年。最近李珊珊應好朋友王賢誌邀請，就算身體未回復最佳狀態，都捱義氣岀席《誌友共聚》慈善音樂會，呢次佢難得露相大眾眼前，仲講咗患病時嘅經歷感受，令網友非常動容。

{{hket:inline-image name="TUNGSTAR6162826.jpg"}}{{/hket:inline-image}}

(東星娛樂)

回帶少女時

回顧返李珊珊嘅少女時期，絕對稱得上女神。佢喺1996年參選香港小姐，當年以大熱姿態奪冠，之後第二年仲拎埋華裔小姐亞軍。李珊珊身材超級好，以優美誘人嘅身體曲線掦名港台兩地，當年更被封為「史上身材最好香港小姐冠軍」，因為咁有唔少富商打佢主意，身邊好多狂蜂浪碟。後來佢加後TVB，拍過唔少爆紅電視劇，如《鑑證實錄》、《烈火雄心》等等，第一次拍劇已經係女二號，可見李珊珊當時深受TVB力捧。

{{hket:inline-image name="bb.jpg"}}{{/hket:inline-image}}

(網上圖片)

義氣仔女勇於發聲

儘管李珊珊淡出娛樂圈，佢同唔少圈中人依舊保持良好關係，亦係岀名嘅義氣仔女，成日幫朋友，又唔介意有無回報。佢同吳家樂係好朋友，感情深厚，每年吳家樂生日，李珊珊都會係微博發文祝福佢，就算自己患病，身體不適，李珊珊依舊風雨不改，咁多年亦無停止過呢個舉動。除此之外，李珊珊都好支持後輩，之前劉穎鏇參選港姐，有網民讚佢同李珊珊有幾分相似，李珊珊聽聞後即刻喺微博發長文力撐呢位後生女，仲叫佢比賽要加油，搞到劉穎鏇勁感動，話：「被一個有名銜嘅女士讚好開心。」

{{hket:inline-image name="pp.jpg"}}{{/hket:inline-image}}

(李珊珊微博圖片)

唔好以為出位又敢言嘅港姐冠軍得麥明詩一個，其實李珊珊都係！佢試過係微博罵爆大陸編劇，「連『五胡亂華』都不能用，因為那是『舊史學觀點』，要求將『五胡亂華』改成『少數民族南下』。真XX的有病！！！」直指對方唔合理，非常大膽呀！

{{hket:inline-image name="111.jpg"}}{{/hket:inline-image}}

(李珊珊微博圖片)