蔡少芬誕8磅囝囝 張晉宣布夠晒數︰再唔封肚就我封

現年46歲的蔡少芬（Ada）與內地武打影星張晉本身育有兩個女兒，夫婦今年六月宣布陀第三胎，昨日張晉宣布Ada日前已順利誕下兒子，並取名樂兒，一家五口樂也融融。

蔡少芬陀B期間，一直沒有透露胎兒性別，只表示生完第三胎可以封肚。昨日張晉在微博「揭盅」，宣布Ada於本月15日生B，更成功追仔。他說：「11月15日，母子平安，歡迎張樂兒來到張家，我們平安回家啦！」他分享一家五口合照，只見Ada精神奕奕，BB則由二女信兒抱住，現時母子已回家休息。

張晉接受訪問時笑說：「我哋真係非常開心、平安，一直無諗過再有BB，所以真係要封（肚）呀，再唔係就我封啦！」他透露BB重8磅2安士，笑言「好大隻，好健康」。

拒絕減少工作

第三任媽咪Ada亦笑說：「其實一開始好驚，又要重新學習湊BB，但見到BB嘅時候就好感動同眼濕濕。老公有跟埋入產房剪臍帶，佢一直都好照顧我。我好感恩又好興奮，多謝上天畀咗一個寶貴嘅產業我。」Ada指兩個囡囡十分愛惜弟弟：「樂兒嚟到呢個家庭會好幸福，有個好愛佢嘅爸爸媽媽同家姐。其實我六年前已經封咗肚，今次係一個感恩嘅意外，就算生多咗一個，我都唔會減產，大家記得有工作就要搵我啦！」

撰文︰Pauline

編輯︰李潔盈

美術︰梁政敏