去黃埔天地尋威利 與愛侶過浪漫聖誕

《Where's Wally？》（威利在哪裏？）係暢銷全球嘅兒童繪本，唔少大人同小朋友都玩過。黛安收到風，主角大冒險家Wally今個聖誕將會去到黃埔天地，場內設有6大窩心拍照場景任影，每個場景仲有紅色愛的信箱，充滿節目氣氛又浪漫。

公關姊妹話，《Where's Wally @The Whampoa–True Love Will Find You》會由即日至明年1月1日喺黃埔天地舉行，到時Wally會帶埋愛侶Wenda、寵物Woof同一班朋友登陸時尚坊、聚寶坊、享膳坊及黃埔號，場內的6大窩心拍照場景全部充滿特色，好似其中一個打卡位飄雪愛願水晶球，Wally同女朋友Wenda會喺4米高嘅水晶球內浪漫相遇；另外，仲有愛升溫熱氣球同玫瑰花香玻璃屋等等，一定要瘋狂打卡啊。

除咗影相，每個場景都有紅色愛的信箱，大家只需自備信紙或明信片放入洞口，按下信箱旁邊嘅手製，就可以印上別致嘅聖誕Wally印章。大家快啲約埋好友愛侶一齊去尋找Wally，展開愛心之旅喇！