張栢芝最近在中環開設時裝店做個人品牌，身為老闆的她全副心機放在舖頭，之前已多次被拍到親身到舖頭，仲要做埋Sales招呼客人，親力親為好難得。近日市面交通大混亂，市道不景氣，但栢芝都堅持要駕車出中環開舖，仲得到好大收穫呀！
（IG圖片）
塞車就玩住美顏相機等。（IG圖片）
當大家呢幾日為咗點返工而頭痕，栢芝一早就已經起身駕車落中環，沿路塞車，佢就大玩美顏相機自拍解悶，最後足足花了兩小時先到舖頭。一到門口，就見到有個忠心耿耿的男粉絲等咗好耐，仲早過栢芝來到。男粉絲一見到偶像都即時彈出嚟，差點嚇親栢芝，之後佢又曬出偶像的寫真珍藏，栢芝亦好識做咁讚個男粉絲好可愛，又幫佢簽名。
從栢芝喺社交網貼出的二人對話所見，佢哋似用普通話交流，該名男子似乎唔係香港粉絲。男粉絲好有心，最後更在栢芝店內買咗個背囊先走人，在混亂的交通下都堅持追星，睇嚟係真愛呀！
相關新聞：【小王子呢？】平日點叫Lucas同Quintus？張栢芝獅城被「野生捕獲」原形畢露
呢個粉絲好有心，帶埋本寫真來支持（IG圖片）
栢芝馬上幫佢簽名（IG圖片）
鐵粉最後仲買個袋先走人（IG圖片）
之後栢芝繼續在舖頭幫年，影低最新產品放上社交網，又著埋自家品牌的紫色上衣，落足力同大家推介：「新款最鍾意呢隻紫色。」相信在栢芝加持之下，呢件上衣好快就會好受歡迎啦！
（IG圖片）
除了落力看舖，栢芝都好「煮得」，經常在IG展現廚藝，煮健康又有營養的餸菜畀三個仔食。近日佢好鍾意煮簡單粉麵，見佢兩日就食咗三次粉麵，栢芝仲話：「買需要成本大概$5，煮需時2分鐘之內非常快一個好早餐或者午餐。」
相關新聞：【時間證明一切】張栢芝自揭生小王子原因 無悔大半生奉獻家人朋友
同仔仔母子鞋，好sweet！（IG圖片）
（IG圖片）
（IG圖片）
撰文：羅慧怡