蘇玉華近日上香港電台節目《瘋Show快活人》，大爆之前初入無綫拍劇嘅辛酸日子。她稱當時經常爆show拍劇，收到任何工作都要「say yes」，望著手上幾疊通告，就知未來日子冇得瞓，可謂唔係人過嘅日子…
蘇玉華同男友潘燦良（大會提供）
她在訪問中說：「當時拍劇拍到天昏地暗，爆 show 爆到七彩。我記得當時已接拍三套劇集，有一日 PA 再派通告，我望住連同手上已有幾疊嘅通告，忍唔住喊咗出嚟。我問自己︰『到底你做緊乜？點解要做得咁辛苦？』」在壓力爆煲的邊緣，她反思怎樣讓自己成為真正的演員，其後她決定改簽部頭合約，專注演戲。她又坦言，其中最痛苦的是付出與成果不對等︰「縱然我付出好多時間、精力，但深知自己有一半時間都係拍緊垃圾，呢個係最痛苦。電視台內其實唔少人都好努力，但無奈唔係個個作品都有質素，有啲都係求其、流水作業式，係令人可惜，但唔好抹殺好多人嘅努力，仲係希望做得更好。」
《刑事偵緝檔案II》劇照（圖片來源：TVB）
（圖片來源：TVB）
後來為追求新突破，蘇玉華16年拍完《平安谷之詭谷傳說》，就暫別電視圈，向舞台劇發展。
（東星娛樂）
幸運的是蘇玉華有個同佢一樣熱愛舞台劇嘅男朋友潘燦良，二人在演藝學院讀書時已認識，之後一齊加入香港話劇圈，近年仲在舞台劇經常合作。
（Facebook圖片）
蘇玉華同潘燦良拍拖約23年，依然非常甜蜜恩愛。兩人同是舞台劇出身，背景相似，而且性格一凸一凹，非常登對。潘燦良曾公開講過自己俾蘇玉華嘅笑容俘擄，因為佢經常笑，見到佢就好似見到陽光一樣，甜到入心！他說：「我地性格合得來個性又唔係好似，我比較保守穩重一啲，佢就係比較勇敢、開放啲，互補不足，所以相處得好好。」
（Facebook圖片）
唔少人都覺得佢哋好登對，想佢哋快啲結婚。其實，潘燦良曾多次向蘇玉華求婚，蘇玉華坦承有結婚嘅衝動，不過後來認為結婚只係一種形式。蘇玉華話：「結婚嘅儀式係可以做，但我哋都比較懶，加上我哋覺得依家狀況好好，大家都認定對方係嘅另一半，對我嚟講佢已經係我嘅家人，所以結婚對我冇咁重要。」
蘇玉華近年專注舞台劇演出（Faebook圖片）
（Facebook圖片）
撰文：羅慧怡