愛情長跑22年 蘇玉華：我不需要結婚

蘇玉華男朋友潘燦良憑住《逆流大叔》入圍金像獎最佳男配角，有「劇團王子」之稱嘅佢，演出作品涵蓋舞台、電視及電影，除咗因為演技備受肯定之外，最重要當然係有位一直喺背後默默支持住佢嘅女朋友蘇玉華。兩人拍拖22年，一直恩愛無比，不過就遲遲都未拉埋天窗，原來係有原因的。

{{hket:inline-image name="TUNGSTAR5676137.jpg"}}{{/hket:inline-image}}

(Tungstar)

蘇玉華同潘燦良喺演藝學院讀書嘅時候認識，之後一齊加入香港話劇圈，當時兩人仲係同事關係。直至後來兩人合作《人間有情》時先撻著。兩人相愛22年，至今仍然非常甜蜜。潘燦良仲曾經話過自己俾蘇玉華嘅笑容俘擄，因為佢經常笑，所以見到佢就好似見到陽光一樣。而蘇玉華亦公開表示過對方係佢嘅靈魂伴侶，要搵到一個能夠相愛嘅另一半絕非容易，可以成為靈魂伴侶就更加難，因此十分珍惜。

{{hket:inline-image name="TUNGSTAR5970875.jpg"}}{{/hket:inline-image}}

(Tungstar)

由於兩人同是舞台劇出身，背景相似，而且性格一凹一凸，唔少人都覺得佢哋非常登對，仲不時追問佢哋幾時結婚。其實，潘燦良曾多次向蘇玉華求婚，而蘇玉華亦應承了，但後來就無晒下文，一直未有正式註冊結婚。蘇玉華坦承曾經有過結婚嘅衝動，不過衝動過後反而變得更清醒，認為結婚只係一種名分或生活形式。蘇玉華：「結婚係為咗咩？名份？生小朋友？定係為咗有個男人可以照顧自己？如果係因為以上原因，我諗我唔需要結婚。」另外，佢又表示自己同潘燦良都好滿足及享受依家嘅關係，認為依種相處方式舒服已經足夠。仲話佢哋當然亦都可以隨時結婚，只係覺得唔結都無所謂，反正眼見好多人即使結咗婚，但都未能兌現婚姻承諾，相反佢同潘燦良未有承諾，但所有事都能夠兌現，感覺更開心。

{{hket:inline-image name="TUNGSTAR6048049.jpg"}}{{/hket:inline-image}}

(Tungstar)