K11 MUSEA自然博物館 導賞團參觀180種植物

尖沙咀海旁K11 MUSEA早前開幕，場內有大型室內自然博物館同可持續發展教育園區「Nature Discovery Park」。噚日博物館有導賞活動，黛安有幸率先參觀，真係大開眼界！

呢個總面積達2,000呎嘅博物館，同聯合國和平使者Dr. Jane Goodall嘅珍古德協會（香港）合作推出導賞團，探索180種熱帶植物及原生植物造成嘅熱帶雨林櫥窗，可以認識香港自然文化歷史。導賞員又教參加者如何實踐環保生活，內容環繞地球同海洋等，好有教育意義。

黛安仲知道，場內設有多元化工作坊，例如都市農耕體驗同製作天然美容產品等，推廣聯合國可持續發展目標。博物館逢星期一至日，由上午10時至晚上6時開放，入場收費只係60元，兩歲或以下小童免費入場。咁靚又有意義嘅活動，大家放假都可以去放鬆下。