海洋公園年證65折 小童版最平$341

主題樂園向來都深受大人細路歡迎，嚟緊仲有優惠等緊大家！公關姊妹同黛安分享，由即日起至11月30日期間，嚟海洋公園購買3個或以上嘅「智紛全年入場證」同現有會員續購證，均可享65折優惠，每位小童低至341元就可以全年無限次入場，仲有連串優惠，夠晒盡興！

黛安知道，今次海洋公園優惠認真超值，即日起購買3個或以上全年入場證，可享65折優惠，對比園內最抵嘅智紛全年入場證銀卡會籍，小童原價525蚊，折後每人平均只需341元，咁就可以全年超過220日無限次入場，大人折後都係683元，真係超值！

如想一年365日咁無限次入場，兼享全項海洋快證服務，於園內指定機動遊戲同景點設施全部項目享用特快通行嘅話，當然就要考慮最高級嘅優越卡，成人同小童原價1,677至2,580元，折後都係839至1,290元，真係入多2次場都抵番晒！

黛安知道，11月10日或之前續購仲會獲贈200元嘅攤位遊戲現金券，仲尊享一系列獨家精采會員優惠，兼參加埋限定動物主題活動！咁精采，記住快啲搶購喇！