前TVB藝人張松枝2012年離巢，當年未備受重視的綠葉王終於闖出一片天，近年轉戰電影圈後發展得順風順水，Keep住有戲接，跟古天樂合作的電影《犯罪現場》即將於今年10月上映。最近又他接了套新戲，為配合角色，昨日張松枝出席電影首映活動時突然「蒼老」，一頭銀髮加上蒼白的鬍子，依舊係個有型中佬，不過新造型就有幾分似「鷲哥」吳岱融！
（圖片來源：晴報）
（圖片來源：晴報）
張松枝同吳岱融個feel好似呀！（網上圖片）
《犯罪現場》飾演綁匪的張松枝戲份頗多，預告中已見古天樂會向他開槍。
（《犯罪現場》劇照）
現年52歲的張松枝曾在TVB浮浮沉沉18年，演過唔少角色，因俊俏的外貌常被安排演情夫、二世祖或奸角，有「大台御用二世祖」之稱，可惜他一直等唔到上位機會，在無線更長達12年無人工加，窮起上來要日日捱麵包，加上公司唔重視自己，讓他很灰心。張松枝說：「12年都冇加我人工，次次傾續約都話政策係咁，我係小演員又控制唔到，喺大台根本冇得揀。」為TVB服務18年，張松枝從無出席過年度盛事《萬千星輝頒獎典禮》，就連坐觀眾席的機會也沒有。
《法證先鋒》（TVB電視圖片）
2008年是張松枝人生轉捩點，跟化妝師太太結婚後，二人育有一名兒子。為養妻活兒和追尋夢想，張松枝選擇過檔香港電視，但得知港視未獲發牌即時失去人生方向，好在當時得到好老婆的全力支持。張松枝讚太太：「我老婆話：『如果你唔出去博會唔開心。』我知道發唔到牌，個人好灰，老婆仲安慰返我叫我放心，船到橋頭自然直，佢一路支持住我，我先冇咁失落！」陷入人生低潮，張松枝更曾打算轉行做紥鐵工人，無論他作任何打算，太太也讚成，做他最強的後盾。
相關新聞：古天樂陳豪馬德鐘都做過MV男主角 袁文傑曾被誤認吳奇隆
（網友讚佢同韓國明星孔劉好似樣，東星娛樂）
（孔劉IG圖片）
（孔劉IG圖片）
現時張松枝已憑實力闖出另一片天，離巢後曾接拍香港電視網絡、ViuTV及港台的劇集，去年更與周潤發一起拍攝《無雙》，證明金子總會發亮的！
（為香港電台拍《運輸背後 - 三級戒備》,IG圖片）
（同Viu TV拍劇，IG圖片）
撰文：羅慧怡