吳岱融潛水出意外嚇壞老婆 呼吸困難頭痛 狂嘔急入院

現年59歲的吳岱融（融哥）平時好活躍，不時玩玩瑜伽、踢足球，近日他跟晨曦明星足球隊到沙巴踢友誼賽，比賽結束後跟太太鍾淑慧和林韋辰等朋友留在沙巴度假。但融哥在潛水時發生意外，更一度呼吸困難，頭部劇痛，上水後繼續頭痛，情況嚴重，最後要即時入醫院醫治。

{{hket:inline-image name="gggg.jpeg"}}{{/hket:inline-image}}

（圖片來源：受訪者提供）

幸好吳岱融經醫生診治後，當晚已平安出院。融哥接受《睛報》訪問時講述事發情況，他說：「之前2個月趕拍《大醬園》，有輕微中暑，加上一直傷風鼻塞未好過，身體已經唔好，再加埋我都有年紀，唔同後生仔，始終都有影響。今次到沙巴原本是打算玩浮潛，後來臨時決定轉深潛，係用氧氣筒個種。但我唔知原來鼻塞同傷風未好唔可以潛水，自己忽略咗呢一點。潛到20幾尺深，個頭開始不舒服，頭痛到想爆炸咁，又呼吸困難，即時加了個氣泵，之後有個掣一撳就會急升上去，幸好教練救我一命，即時壓住我，唔畀我太快上水，不能可能我太心急，搞到反壓好勁。上咗水面之後個頭都係好痛，之後仲狂嘔3、4次，太唔舒服頂唔順，我又擔心唔知係咪血壓有問題，咪直接入咗醫院檢查。」

{{hket:inline-image name="ggg.jpeg"}}{{/hket:inline-image}}

（吳岱融跟晨曦明星足球隊到沙巴踢友誼賽，圖片來源：受訪者提供）

{{hket:inline-image name="ggggg.jpeg"}}{{/hket:inline-image}}

（比賽後齊齊潛水，圖片來源：受訪者提供）

{{hket:inline-image name="7835161bgy1g590mzmv1bj20m80goq64.jpg"}}{{/hket:inline-image}}

（融哥不忘跟老婆拍拖，圖片來源：吳岱融微博）

慶幸在醫院檢查和休息，又吊過鹽水後，吳岱融已經順利出院，但他也打算回到香港要再做過詳細檢查。融哥還告誡大家：「食得太飽、身體唔好、唔夠訓，特別係傷風鼻塞千祈唔好潛水！」出事時怕老婆鍾淑慧擔心，吳岱融等自己情況穩定後才敢通知對方。見老公失聯數小時，鍾淑慧嚇壞了，她說：「總之就嚇死我，呢啲真係唔講唔知，佢（吳岱融）而家一激動講嘢，個頭即刻刺痛，所以返嚟要照吓個腦。」

{{hket:inline-image name="bkn-20190724093403426-0724_00862_001_03b.jpg"}}{{/hket:inline-image}}

（受訪者提供）