2005年胡杏兒同黃宗澤（Bosco）因為合作拍《我的野蠻奶奶》而撻着，拍拖多年卻冇直接認愛。二人曾被喻為「金童玉女」，2012年最終敵不過「7年之癢」分手。最近Bosco在大陸綜藝節目《各位遊客請注意》中玩遊戲時，被女團友問及依家對胡杏兒嘅感覺，雖然尷尬，但Bosco都大方表示祝福對方。
（東星娛樂）
（東星娛樂）
2011年胡杏兒勇奪視后時，喺頒獎台上向黃宗澤發表「愛的宣言」成為一時佳話：「我知自己好難頂，你都好難頂，希望我哋一齊頂住大家。」
（東星娛樂）
可惜2人最終都係不敵「7年之癢」嘅魔咒喺2012年分手，兩個分別喺公開場合講起分手時都喊到收唔到聲，唔少人都覺得非常惋惜。
（東星娛樂）
最後兩人並冇復合，胡杏兒2015年向傳媒承認與依家嘅老公李乘德（Philip）交往，雙方一見鍾情。胡杏兒指黃宗澤教曉佢做一個溫柔、成熟嘅女人，但佢最喜歡李乘德，教佢做返一個「小朋友」。
（胡杏兒IG）
（胡杏兒IG）
依家杏兒家庭生活非常美滿，7月嘅時候二仔出世，經常Post家庭照，非常幸福。相反黃宗澤就再冇高調拍拖，早前傳出同陳嘉桓交往，二人都齊齊否認。兩個由原本最親密嘅人變成陌路人，令人不勝欷歔。
（黃宗澤微博）
（黃宗澤微博）
最近Bosco拍攝大陸綜藝節目《各位遊客請注意》，同台灣女星歐陽娜娜及幾位素人團友徒步上高原。最新一集講到眾人攀山涉水去到露營營地後，Bosco煮飯、煲羅宋湯慰勞團友，各人仲起哄玩「Truth or Dare」，Bosco當時選擇講「真心話」。
（《各位遊客請注意》截圖）
其中一位女團友就問Bosco依家對胡杏兒有咩感覺，答完仲話Bosco「太官腔」繼續逼問，搞到氣氛勁尷尬，其他團友都責怪佢問個唔合適嘅問題，事後仲話覺得佢「好討厭」！Bosco開頭都有少少尷尬，不過就好大方咁答：「祝福她呀！沒有沒有沒有，真的！我也替她現在生活很開心，真的。」
（《各位遊客請注意》截圖）
（《各位遊客請注意》截圖）
之後仲喺自己嘅微博到自嘲，話以後都唔敢再玩「真心話大冒險」，似乎都已經放低咗。
（黃宗澤微博）
呢件事令唔少網民又諗起Bosco嘅其中一首飲歌《最後祝福》，歌詞非常應境，真係齋睇字都有啲想喊呀唔係講笑！
《最後祝福》歌詞：
這天聽說妳很好
得到美滿吧
快將與那個他 成家
冒失的妳 由他看顧
此時我哪需記掛
記得妳最愛冬天
他都愛上吧
與他過最暖的寒假
熱戀的你們
幸福得太像童話
當他掀起了新一篇
給妳新轉變
沒有遺憾在後 望未來是直線
終於妳的悲觀 給歡笑聲感染
這也是最美好的發展
我這樣討厭 他完美如此 能共妳好好地相處
哪會像我們 將吵架當玩意 沒法挽手一輩子
最掛念的妳 悲劇已停止 無用再傷心另一次
妳我未有幸 一起說聲願意 但這位跟妳可以
祝褔聲想妳都聽到
可記得當年
是我們沒毅力 漸漸行漸漸遠
請謹記這一天 多點信心走前
再也別怕那些小雨點
撰文：黃蘊姿