一田BB展周四開鑼 精選產品3折起

為人父母都想將最好的留給孩子，黛安知道，一田百貨由今個星期四（26日）起至下月10日，6間分店（沙田、大埔、荃灣、屯門、觀塘、將軍澳）將同步舉行「一田秋日BB用品展」，精選過千款育兒必備用品同BB膳食法寶，低至3折起發售，啱晒家長去掃貨。荃灣廣場地下同東港城仲設特別展場。

公關姊妹話，今次一田聯同註冊營養師Leslie打造「BB加固攻略」，入面有好多適合BB唔同成長階段嘅餐單，會喺BB展期間免費派發，入場記得拎番一本喇。展場內除咗有多款人氣奶粉，亦有多款低至半價發售嘅奶樽及消毒煲具套裝。另外，今季新登場嘅摘夢園防塵蟎抗敏睡墊薄被套裝，可以減少BB濕疹、鼻敏感等機會，仲有8折優惠㖭。

此外，今年一田仲首設YATA-Fans手機App會員買一送一，買BB產品滿3,000蚊，就可以免費升級做一田BB會會員，享有BB會會員購物優惠。而一田信用卡亦有尊享優惠，喺一田超市用一田信用卡即日累積簽帳買超市貨品淨值每滿500蚊，就可以換25蚊現金優惠券；如果以一田信用卡即日累積簽帳購買百貨貨品淨值每滿1,200蚊，更可換80蚊現金優惠券。每卡每日限換4張，換完即止。

BB展詳情

日期︰26/9-10/10

店舖︰沙田店、大埔店、荃灣店、屯門店、觀塘店、將軍澳店

優惠︰首設YATA-Fans手機App會員買一送一；一田信用卡尊享優惠