麥當勞新品登場 脆辣雞腿飽系列夠惹味

最近天氣繼續熱辣辣，黛安知道麥當勞今日起，帶來全新「脆辣雞腿飽系列」多款美食，包括酸辣醒胃嘅全新「菠蘿脆辣雞腿飽」、香脆可口嘅全新「Double脆辣雞腿飽」，仲有惹味十足嘅全新「巴東辣雞翼」，再歎番杯橙汁雜飲，幫大家消消暑！

聽公關姊妹講，今日起麥當勞將限定推出全新「菠蘿脆辣雞腿飽」，喺鬆軟麵包入面，加入金黄香脆嘅脆辣雞腿肉，加上蛋黃醬配以酸甜菠蘿片和爽脆生菜絲，清新醒胃嘅味道遇上香辣刺激，拼湊出獨特香辣風味。另外，全新「Double脆辣雞腿飽」亦會同時登場，兩塊香脆惹味嘅香辣雞腿肉，伴着清爽生菜和沙律醬，滋味雙倍升級，帶來重量級滿足啊。

而黛安最愛嘅經典「脆辣雞腿飽」，都會以限定套餐優惠價28元發售，外層金黄脆辣、內層嫩滑可口嘅雞腿肉配以沙律醬，加上鬆軟麵包和爽口生菜帶來多重口感，諗起都想即刻去食啊。

姊妹仲話，驚喜陸續有來，今次系列都會帶來全新嘅「巴東辣雞翼」，金黄脆辣嘅嫩滑雞翼，配上由多種東南亞香料調配而成嘅獨特口味，真係令人難以抗拒。

依家只要買各款脆辣雞腿飽超值套餐，就可以升級加配扭扭薯條和橙汁雜飲，夠晒開胃醒神，絕對係「脆辣雞腿飽系列」嘅Perfect Match！姊妹仲透露，憑麥當勞App內嘅尊屬優惠券，選購菠蘿脆辣雞腿飽超值套餐或Double脆辣雞腿飽超值套餐，即減3元，同時亦可以10元享用大大杯橙汁雜飲，非常吸引！