馬浚偉近年一直為《生前約死後》的舞台劇和電影努力，劇本是由他親自撰寫，講述他和母親經歷生死的真人真事，由起筆開始，馬浚偉陷入情緒病的困擾之中，多次放棄執筆，不想再激發起傷痛，直至2017年9月，馬仔慢慢將情緒病治好，今年初，也就是媽媽逝世20周年的日子，《生前約死後》正式在舞台上公演。馬浚偉最近正籌備他入行26年來首次個人演唱會《Dream Big馬浚偉演唱會2019》，達成初出道的心願，逐一將他自己嚮往的事情慢慢實現。
馬浚偉接受《晴報》專訪，提到小時候的他，當時要面對家庭的經濟壓力和媽媽的病。馬仔真的很懂事，他表示：「點解中三就要出嚟做嘢？因我6歲時媽媽生病，當時我未知咩係癌症，直至中學先知，當時我成個人變晒，變得好唔開心。當時爸爸真係好辛苦，佢係巴士司機，每個月連埋安全獎和勤工獎加埋先有6、7千蚊，但要養我同三個家姐一個妹，經濟負擔重，佢放工仲會買餸同煮飯，仲要陪媽咪去醫院覆診。咁多年嚟，爸爸都冇埋怨過，所以我都一樣，我自己覺得唔想成為屋企負擔，所以放學就去做兼職，賣雪糕賣三年，我所有讀書要畀嘅、要用嘅費用都唔使屋企人畀，有時暑假賺得多，就會畀家用爸爸媽媽。」
相關新聞：馬浚偉出錢出力救弱勢捱到生疹 曾尋死歷六大低潮：細妹媽媽患癌
(《晴報》圖片)
在家庭環境的迫使下，馬浚偉總是安份守己，因為他認為家中沒有能力容許他犯錯，直至1999年媽媽終於不敵癌症離世，馬浚偉卻將責任放在自己身上，他說：「她離世嘅責任我放喺自己身上，冇人會認為媽媽手術失敗離世係跟我有關，但我真係自覺有責任，如果唔係佢拒絕做手術時，見到我喊，佢絕對唔會接受呢個手術，咁佢就唔會離開。呢件事我自責咗好多年，亦因為咁患上抑鬱症同驚恐症，有段時間我活喺自虐嘅狀態之下。」他形容當時不願外出，買好一星期的快餐店食物，雪在雪櫃每日翻熱就照食，仲要沉迷飲酒，日日如是。馬浚偉的抗抑鬱症路程長達8年，在醫生鼓勵下開始做運動和跑步，慢慢將陰霾驅散，重新建立健康的人生。
(《晴報》圖片)
情緒病康復後，馬仔決定重新走到幕前工作，先將《生前約死後》的劇本完成，演完舞台劇，再拍電影版，整個過程他跟不少電影「初哥」合作，馬仔說：「我只想用公餘的時間去滿足自己，包括讀書、開演唱會、寫劇本，我仲要準備開社企、做咖啡師、拍電影等等，全部衍生出嚟嘅機會希望放喺其他人身上，我一有資金就會做製作，有新製作就能衍生很多機會，有工作機會就可以請人，畀有心人可以參與，不論佢有冇經驗，我每部電影都用新人，就算將來我要離開呢個世界，都總算曾經貢獻過社會。」馬仔認為自己不是愛揮霍的人，夠三餐溫飽就可以，反而用金錢幫助社會，才是真正有意義。
(《晴報》圖片)
提到馬仔樂於助人的本質，不得不提癌病歌手李明蔚，李明蔚形容馬仔是生命中的哥哥和天使，除了金錢上資助她出碟圓歌手夢之餘，更在多個製作上讓她能夠參與，在病痛之中也能積極面對人生，馬仔說：「剛剛相反，我認為佢先係好多人眼中嘅天使，佢嘅故事可以感動好多人，因為我妹妹都患過癌症，我知道點樣同病人相處，我同媽媽同妹妹都經歷過，我知道，生病嘅人係好孤獨，因為痛苦只有自己知道。好彩嘅人屋企有錢，就會有比較多方法去醫病，但醫病係好貴，藥物亦好貴，所以當我啱啱知道佢搵到個新嘅治療方法，我真係好替仍高興，我好感動。佢求生意志同面對逆境嘅嗰份樂觀，其實好值得大家學習。」
(《晴報》圖片)
(《晴報》圖片)
場地提供：i-club Hotel
髮型：Frankie Tang
化妝：李紫君@Yannie’s Makeup