撒亞人登陸時代廣場 重現經典場景

又係《龍珠》粉絲出動嘅時候喇，黛安聽公關姊妹講，今個暑假「Dragonball World Adventure」巡迴到香港喇！時代廣場由上星期四開始，到9月1日會展出特大雕像，包括格古達、布洛尼、超級撒亞人藍悟空、超級撒亞人藍比達、菲利、魔人布歐等，仲打造咗三個經典動漫場景。

公關姊妹仲話，三大經典激戰場景分別係格古達與布洛尼嘅鬧市大戰、悟空及菲利喺娜美星對決，同埋超級撒亞人藍悟空與比達對戰。以超級撒亞人藍形態出現嘅悟空及比達係用1︰1真實比例打造，現場仲有近2米高嘅魔人布歐坐喺時代廣場地標鐘樓旁邊，一邊食朱古力一邊遠望觀戰，黛安都諗住去同佢Selfie留念。

另外，仲有「召喚神龍」、「龜波氣功之練成」同「踏上觔斗雲」呢三大互動區域，等大家可以親身體驗撒亞人之間嘅決鬥，大家記得唔好錯過啊。