袁文傑的愛貓囝仔早前確診患癌，令佢心情跌落谷底。近日，囝仔病情突然急劇惡化，須安排到ICU留院觀察。直至昨日, 囝仔嘅病情已達非常嚴峻嘅地步, 原本安排的手術都未能進行，囝仔最終不敵病魔折磨，證實不治...袁文傑痛失愛貓, 不但令佢深受打擊及不斷自責, 亦令佢回想起一位已離世嘅好兄弟。喺同日, 佢仲喺社交平台撰文悼念愛貓, 送上最後嘅祝福。
(袁文傑ig@yuen_man_kit)
袁文傑愛貓囝仔, 喺昨日正式同大家道別。袁文傑喺個人社交平台特意打咗一篇文去紀念囝仔, 期間更令佢憶起往事...佢覺得自己過往未有盡好做主人嘅責任而不斷自責, 同時, 又令佢想起另外一隻已離世嘅愛貓(妹妹)同好兄弟:「囝仔和我一起這10年，亦是我人生中變化最大的10年，囝仔曾經有伴，未及1年便離開；也曾經很肥大，他是世上最可愛的動物；我也轉換過不同公司，也不斷離港工作，當時，曾有位好兄弟阿豪常常幫我照顧他，可惜，豪，早於12年病逝⋯⋯亦有很多時候，就算在港，也頻頻不在家，不過那時認為，他是貓咪，會自我找娛樂，是的，但回想起來，他最年輕最蹦蹦跳最精靈最活潑的階段，原來，我錯過了很多，或許說，快樂光陰總不嫌多...」另外, 佢亦有拍片記錄低囝仔離開嘅最後畫面, 喺片中, 袁文傑一邊攬住愛貓, 一邊傷心抽泣講:「出發喇!去彩虹橋喇...你永遠都喺爹地同媽咪嘅心入面喇, 知唔知啊?我哋唔會分開喇...多謝囝仔, 多謝你。」女友張潔蓮（Jackeline）見狀, 隨即亦擁抱袁文傑以示安慰。
(袁文傑愛貓囝仔。圖片:袁文傑ig@yuen_man_kit)
(袁文傑拍片記錄低囝仔離開嘅最後畫面。圖片:袁文傑ig@yuen_man_kit)
袁文傑自從憑《不懂撒嬌的女人》飾演游生爆紅後，人氣極速急升，仲多咗好多演出機會。正當袁文傑喺事業有起色之時, 並計畫同拍拖多年嘅女友Jackeline結婚, 但母親卻因患病而不幸離世, 所以佢決定將婚事延期, 並需要時間平伏心情。幸好Jackeline明白事理, 不但冇怪責袁文傑, 仲一直喺佢身邊給予無限量嘅支持。