12月參加「益力多健康跑 」 玩轉健康派對籌善款

都市人生活咁忙，大家愈嚟愈注重健康，每次大型跑步賽都好多人參加，黛安聽公關姊妹講，由社會企業「全城街馬」主辦，益力多50周年呈獻嘅「益力多健康跑」，喺今年12月8號欣澳海濱長廊舉行，沿途可以睇到成個欣澳灣景致，參加者仲會得到一個選手包，入面有益力多勇士跑手T-Shirt、益力多勇士完賽公仔等限定紀念品，係咪好吸引呢！

黛安仲知道，活動大使「益力多勇士」會喺當日為大家準備一個益力多「健康派對」，仲會親自落場幫大家打氣，同埋帶領大家跳益力多健腸操！而場內亦有Live Band表演、多個萌爆「益力多勇士」打卡位，大家可以喺即影即有拍攝區同家人朋友記錄健康時刻；如果跳到肚餓，場內亦有健康美食站畀大家補充能量。健康派對內容咁豐富，唔知大家跑完會唔會唔捨得走呢？

跑步除咗夠健康，仲可以做善事，原來「全城街馬」喺超過五年以來，已經成功為超過30家慈善機構籌款，幫助咗好多有需要嘅人。今次「益力多健康跑」亦會為慈善項目「街跑少年」籌款，幫到人又可以令自己健康啲，黛安已經同班姊妹約好一齊參加喇，你哋都快啲去報名啦。