張頴康近日在《十二傳說》中飾演警察一角，起初有少少迷信、少少輕浮的個性，緩和劇集的靈異緊張氣氛，劇情轉入直路後，張頴康的角色面對愈來愈多較嚴重的案件，更揭發其身世之謎，原來他是盧宛茵的兒子，不過由於小時候過繼給易老先生，成為對方的孫兒，替代他失去的夭折孫，所以多年來父母都不會公開認他，而且對他特別冷淡。他在劇中說：「其實我好希望有日返大澳，可當佢哋係普通父母咁相處一日就好喇！」後來經過殺人案事件，父母願意主動修補關係，令張頴康離開大澳一刻的含淚表情，非常到位，不少觀眾都大讚「易Sir」做得好好！
張頴康在劇集中的身世之謎終於解開。（圖片：《十二傳說》電視截圖）
他小時候被過繼給另一家人，跟親生父母關係疏離。（圖片：《十二傳說》電視截圖）
沒想到自己做警察之後，又要因命案徹查親生父母一家。（圖片：《十二傳說》電視截圖）
無綫為了宣傳劇集，特別將張頴康的演藝成長路剪接成短片，由他演路人甲開始，如2007年《同事三分親》的保安、2008《秀才愛上兵》的過鏡新郎、《和味濃情》的電視台PA、《珠光寶氣》的律師助理、慢慢升級到有台詞的角色，直至2016年憑《一屋老友記》，演技終於獲得廣大觀眾認同，並在萬千星輝頒獎典禮2016獲頒「飛躍進步男藝員」獎，16年來的努力，終於得到認同，而且回報都陸陸續續出現，近年張頴康在多個劇集都擔綱演出，現在兩個黃金時段劇集《包青天再起風雲》和《十二傳說》都有他的演出，對於入行18年的他而言，絕對是苦盡甘來。
2007年《同事三分親》中，張頴康演保安嚟講都真係幾稱職。(圖片：Big Big Channel片段截圖)
《秀才愛上兵》呢個新郎哥真係要靠箭嘴先睇得到。(圖片：Big Big Channel片段截圖)
《和味濃情》中演陶大宇的助手。(圖片：Big Big Channel片段截圖)
《珠光寶氣》中演律師助理。(圖片：Big Big Channel片段截圖)
在《溏心風暴》中演記者，追問夏雨。(圖片：Big Big Channel片段截圖)
今次被無綫翻舊帳，張頴康沒有介意，反而直認感觸良多，他留言說：「睇到呢段片，確實好大感觸！因為做路人甲嘅時候，真係唔知道做路人甲要做到幾時！當時淨係得一個信念：唔理係乜嘢角色，總之就盡力做好佢啦，應該會有人睇到我嘅努力嘅！呢十幾年嚟，確實有好多監制、導演，將我由無對白，到一兩句對白，再到有一場屬於自己嘅戲，直到成為主要演員，證實咗我當時堅持嘅信念係冇錯！而我點解每次攞獎都會多謝我老婆？因為當我乜嘢都未係嘅時候，係得我老婆一個人支持我去堅持自己嘅信念！」嘩，好閃呀！不過有好嘅事業發展，又點會冇一個背後默默支持佢嘅老婆呢？所以頴康特別珍惜老婆和一對仔女，只要佢一有時間就會陪佢哋去玩，而麥雅緻平日做KOL玩直播時，張頴康無論工作幾攰都好，都唔介意做佢背後嘅男人，陪住老婆直播，認真廿四孝。
張頴康常將太太掛在嘴邊，全因麥雅緻多年來都無私地支持他。（圖片：張頴康麥雅緻Facebook )
一家四口真係好幸福。（圖片：張頴康麥雅緻Facebook )