用推理逃脫19世紀倫敦 小朋友化身偵探查案

踏入暑假，唔少商場都搞咗好多精采活動，例如荃新天地喺今個星期六（20日）至8月25日，就會同LOST Junior團隊製作將19世紀倫敦街道還原，推出以偵探故事為主題嘅兒童密室逃脫遊戲，啟發小朋友急才同應變能力，現場亦有推理小遊戲，成功完成任務仲有紀念品。

黛安聽公關姊妹講，荃新天地1期中庭會打造成一個小倫敦，由「福爾摩斯」同小朋友合力破案，而蘇格蘭場神探李大猩亦會協助小朋友大玩推理遊戲。兩大主題兒童密室，每個都加入咗豐富STEAM元素，配備多種電子機關，非常考智力。荃新天地Fb、IG或WeChat嘅粉絲，仲可以免費借用場內提供嘅偵探帽，以偵探造型去查案同影下靚相呀。