WeChat Pay HK交電費送$20 AlipayHK支援中電港燈付款夠方便

夏天開冷氣，電費好襟計。黛安知道，WeChat Pay HK最近同中電合作，只要喺下周一（15日）至10月15日期間，用電子錢包綁定中電帳戶，並點選「好賞交電費」活動專區，就可以免費攞到1張港幣20蚊嘅電子現金券喇，首次交電費滿50蚊就會自動扣除；優惠先到先得，送完即止啊，想慳家嘅朋友記住要快手下載WeChat Pay HK。

AlipayHK亦都宣布同中電合作，市民一樣可以用AlipayHK畀電費，仲支援自動付款功能；港燈及3香港嘅帳單一樣可以用AlipayHK交，非常方便。