慶祝登月50周年 太空館展出探月歷程

黛安除咗識飲識食外，對天文地理其實都好有興趣。黛安知道香港太空館為慶祝人類登月50周年，由即日起至9月2日會舉行全新展覽，展出人類首次登月照片、錄像節目、模型同互動展品等，介紹月球科學知識外，仲同大家一齊回顧人類探索月球嘅歷程。

今次展覽更同樂高（LEGO）合作，特別製作咗「土星五號」火箭模型。黛安聽公關姊妹講，原來「土星五號」係一種三級式液態燃料火箭，負責搭載阿波羅太空船升空。模型高5米，由超過20萬粒LEGO砌成，以嶄新手法展示太空科技。太空館同時會舉辦一系列活動，包括工作坊、專題講座同天文觀測等。有登月展品睇，又學到天文知識，黛安都約好朋友去睇喇，詳情可瀏覽網頁hk.space.museum，或致電2721 0226查詢。