「SHAKE & DIP」強勢回歸 3款全新滋味醬 登陸麥當勞

麥當勞18件麥樂雞又返嚟喇！黛安收到風，今日起仲會聯同4款滋味醬、Shake Shake薯條和「蒜香雞翼」，一齊強勢回歸。

食麥樂雞又點少得Dip醬呢。公關姊妹話，今次麥當勞特別帶來3款全新滋味醬，等大家一次過品嘗所有風味，包括集鹹香、惹味於一身嘅「鹹蛋黃醬」、充滿港式地道風味嘅「南乳燒雞味醬」、味道清新嘅「香草檸檬醬」，仲有人氣之作「蜜糖芥末醬」。4款都叫人難以抗拒啊，黛安最想試就係「鹹蛋黃醬」。而且就算點6件麥樂雞超值套餐，都可以配「鹹蛋黃醬」或者「蜜糖芥末醬」，今個月22號，就可以揀配「南乳燒雞味醬」或者「香草檸檬醬」。

另外，Shake Shake薯條亦會喺今日起登場，包括一直好受歡迎嘅「和風紫菜調味粉」和「美式BBQ蜜糖調味粉」，仲有全新「鐵板黑椒汁味調味粉」，配搭香脆薯條，黑椒味道微微嗆辣，一定好食到停唔到口啊。而另一款調味粉「BBQ薯片味」就會喺今個月22號推出。只要買任何加大超值套餐，即刻送一包調味粉。

推廣期間購買任何超值套餐、18件麥樂雞餐，或者The Signature Burger套餐，只要加7.5元仲可以歎埋黑糖味珍珠奶茶同加大Shake Shake薯條喇！

驚喜浪接浪，姊妹仲話，惹味香口嘅「蒜香雞翼」都再度回歸，全新配搭嘅「脆味分享盒」和「大大啖雞翼桶」都加入蒜香雞翼，一次過帶來唔同口味，滿足心多多嘅你！