全綫屈臣氏籌善款 籲關懷認知障礙患者

黛安得閒都會做下義工或參加慈善活動，聽公關姊妹講，原來屈臣氏自去年5月起同香港認知障礙症協會攜手合作，舉行屈臣氏關愛認知障礙症人士慈善籌款行動，至今已籌得近20萬元善款喇。

屈臣氏喺過去一年來，透過喺全綫分店設置捐款箱、義賣聖誕慈善熊公仔，加埋上年首推嘅「樂加欣TM TRU NIAGEN TM玻璃容器回收計劃」，幫香港認知障礙症協會籌到近20萬元善款，又呼籲市民關注「腦弱態」，支持協會幫助受認知障礙症影響嘅家庭，提供專門服務同全面關顧。

黛安仲知道，屈臣氏義工隊向來都好積極用行動關懷社區，同香港認知障礙症協一齊搞咗唔少義工服務。例如之前義工隊喺「腦動樂」活動中，就同一班認知障礙症患者齊齊製作手工藝、進行認知訓練等，令在場嘅認知障礙症患者都好開心。