《愛回家之開心速遞》一向口碑和收視都好好，上星期七天跨平台收視28.3，繼續成為收視冠軍之外，原來第597集《戰鬥吧！輝》，單集收視亦打破紀錄，收視突破30.9點，送水輝許家傑在Instagram報喜，好拍檔大小姐林淑敏留言說：「戰鬥吧！輝！你下次收視上40！」收視愈來愈好，昨晚同今晚播出一連兩集歐陽震華客串的《波比與群姐的前世今生》，相信定必再推高收視。
送水輝在幻想中搶親一幕，動用大批演員拍攝，辛苦得來果然有回報。(圖片：許家傑IG）
而《愛回家》亦有進行大革新，昨晚播出全新主題曲《開心速遞》和劇集片頭，一如《晴報》早前所預告的歌詞（相關報道：http://bit.ly/2x892Cb），而歌曲充滿熱鬧和開心氣氛，加上片頭色彩繽紛，予人感覺相當不錯。相比起節目開初，一眾演員的感情再勝以往，所以拍攝出來的效果非常溫韾、溫暖。
新主題曲《開心速遞》主唱者寫上「一家人」。(圖片：《愛回家之開心速遞》截圖)
熊家的紅色最具代表性。(圖片：《愛回家之開心速遞》截圖)
金城安同朱凌凌今次都有份獻唱。(圖片：《愛回家之開心速遞》截圖)
Terry同舅父一齊黃色衫。(圖片：《愛回家之開心速遞》截圖)
大龍生一家只有細龍生同大小姐參與拍攝。(圖片：《愛回家之開心速遞》截圖)
潮偉有份拍攝，證明這位未來女婿已經「入屋」。(圖片：《愛回家之開心速遞》截圖)
蓮輝CP創收視新高，新片頭點可以唔出現？(圖片：《愛回家之開心速遞》截圖)
網友的反應一致讚好，非常正面。
「未試過睇片頭睇到咁激動，真係好正」
「新主題曲好正，真的是愛回家」
「好colourful 的一家人，睇片賞心悅目，聽新主題曲令人煩惱盡除」
「昨晚睇到新主題曲MV, 拍得好warm，正能量滿滿的! 超正 ar!」
真正入錄音室為主題曲獻聲的就是這8位。（圖片：鄭世豪IG )
《愛回家之開心速遞》真係好熱鬧。(圖片：鄭世豪IG)
不過在劇終時的字幕上，主題曲《開心速遞》只寫上主唱者是「一家人」，未有交代到底邊位演員負責獻聲，到底邊8位呢？謎底終於解決，因為鄭世豪在IG上載照片，正是錄音室錄歌的合照，當中見到除了世豪外，還有呂慧儀、滕麗名、蘇韻姿、周嘉洛、吳偉豪、林淑敏和湯盈盈，剛好8位。不過不少網友聲稱聽到新歌入面有張景淳把聲音，質疑是否景淳都有份獻聲，而景淳一向是唱家班，好多景淳的粉絲都以為他一定有份，難免大為失望。
「我到呢一秒仍然覺得我聽到呀淳把聲」
「如果套劇入面有插曲係你唱就更好了」
「點解你冇份唱！！即刻 down 左..... 」
「唔緊要啦，stanley係片頭好多鏡頭，又好多龔水，最後仲要企中間前排，證明套劇都好重視佢啦，最多佢下次唱歌live你叫佢唱返比你聽」
Stanley是唱家班，原來是唱主題曲人選的大熱，不過他不介意。（圖片：張景淳IG)
張景淳接受《晴報》電話訪問，他表示：「首歌好多人一齊唱，所以多咗邊個、少咗邊個都唔係太緊要，最緊要好有心同夠洗腦。最開心係一齊拍個opening拍得好睇！」對於好多人都留言話聽到他的聲音，更搞笑話冇諗過周嘉洛、吳偉豪加上鄭世豪會有呢個效果。問到會否爭取獻唱片尾曲？張景淳說：「每集片尾曲都係配樂師因應該集而揀唔同嘅歌，我覺得呢個傳統唔錯啊！」