「晴報睇電視」小編琴晚夠晒忙，事關一次過有三套新劇開播，分別係無綫嘅《白色強人》、ViuTV的《教束》和《退休女皇》，小編見難得57歲的景黛音已經退出娛樂圈32年，今次竟然再為ViuTV新劇《退休女皇》罕有復岀，所以一定要收睇。在昨晚首集的半小時中，大部分都是描述姜濤、組合Error等人參與的電競比賽，故事人物都未正式好好交代到，不過男主角姜濤就已經出現，他飾演一個電競高手William，雖然女主角景黛音都有出場，不過就低調在電競比賽觀戰，跟「囝囝」姜濤未有碰面和對手戲，反而她走入另一敵對電競隊鼓勵他們尋找贊助，未知是否留下伏線，想阻止囝囝William在電競比賽上得到成功......
景黛音在首集就出場。（圖片：《退休女皇》電視截圖）
她用手機拍下年輕人被滋擾的過程，擊退滋事份子。（圖片：《退休女皇》電視截圖）
姜濤當然要亮相啦，話晒姜糖都等咗好耐。（圖片：《退休女皇》電視截圖）
今次景黛音飾演姜濤的媽媽。（圖片：《退休女皇》電視截圖）
兩人在劇集結緣。（圖片：景黛音微博）
其實景黛音在1980年代非常岀名，曾參演過多部劇集，包括《雪山飛孤》、《鹿鼎記》、《香江花月夜》以及《決戰玄武門》等等，當中以《鹿鼎記》的建寧公主最為人熟識。當年佢更與戚美珍和廖安麗合稱「歡樂三小花」。1980年代末期，景黛音同前無綫高層楊健恩結婚，開始淡出娛樂圈，其後誕下一女，便專心相夫教子，再沒岀來拍劇。30多年來，有唔少人游説過佢復岀，都被佢一一拒絕。景黛音開玩笑稱：「一來懶，想享福，要多謝我老公，佢好nice，畀我充份嘅自由，所以我都唔會特別想拍劇。」咁今次到底係邊個有咁大威力，令佢動心復岀呢？
景黛音在80年代參與多部電視劇集拍攝。（網上圖片）
最令人印象深刻的當然是《鹿鼎記》入面的建寧公主。(網上圖片)
景黛音保養得宜。（圖片：景黛音微博）
原來現年57歲嘅景黛音好迷戀韓星，特別係SHINee成員泰民，願意復岀是因爲當時製作方答應幫忙搵泰民演景黛音嘅兒子，一圓佢見偶像嘅心願。可惜當時碰巧SHINee另一成員鐘鉉離世，對整個團體打擊沉重，加上泰民忙於為日本演唱會準備，景黛音同泰民合作最後都傾唔成。不過景黛音非常有義氣，見唔到「偶像」都繼續演岀，唔想反口，她說：「唯一條件係我要喺劇入面所有嘅人我都唔識，完全未合作過。我想當自己由零開始，唔想大家覺得我復出就好巴閉。」而原本屬意泰民的角色，製作方找來《全民造星》嘅囝囝畀景黛音揀，景黛音最後揀中姜濤，原因係：「喺我心目中，我比較鍾意啲男仔少啲嘢講，而姜濤正正比較有氣質。」
原來她是忠實韓粉，可惜今次同SHINee緣慳一面。（圖片：景黛音微博）
他們直言在拍攝過程中建立不少默契與感情。（圖片：ViuTV）