鄭志剛做推手引入 MoMA旗艦店落戶K11 MUSEA

新世界打造嘅藝術同設計新地標Victoria Dockside，旗下全新商場K11 MUSEA今年第三季開幕。黛安收到風，MoMA Design Store 8月會喺K11 MUSEA開設大中華區首間及亞洲最大嘅分店！

MoMA Design Store香港分店係繼東京同京都後，第3間海外分店，佔地6,000呎，會用上本地元素呈現香港文化和精神。現代藝術博物館MoMA大有來頭，展覽題材涵蓋時裝、畫作、家品等，香港分店主打世界各地最具啟發性嘅設計品，同代表博物館藏嘅設計品，仲會有MoMA出版刊物、MoMA獨家發售嘅精品，同香港MoMA Design Store限量版設計。聽公關姊妹講，今次MoMA可以成功落戶香港，全靠新世界執行副主席兼總經理鄭志剛穿針引綫。