《愛回家之開心速遞》入面締造不少經典的角色人物，早前集合四大長老熊樹根（劉丹飾）、譚道德（陳榮峻飾）、大龍生（羅樂林飾）和豹叔（黎彼得飾）的Rap比賽《香港齊Hip Hop》，成為「大四喜」，結果該集大受歡迎，大家還學唱他們Rap歌《IG》，引起極大迴響。近來《愛回家》的主題曲因「安心事件」被撤走，只剩純音樂，不少家庭觀眾和網友都建議交由「大四喜」合唱，不過暫時未成事，監製林建祥接受《晴報》電話訪問時都表示暫時未有定案，會沿用純音樂當作主題曲。
大四喜一出場就成為大家討論對象，非常成功。（圖片：《愛回家之開心速遞》電視截圖）
「大四喜」原來已經紅到去澳門，四人密密接工作，今日特別去到澳門登台，除了打扮沿用比賽時的Hip Hop造型之餘，仲即場大唱新歌...新歌其實是舊曲新詞，用《IG》的同一首，不過就重新改詞，大唱澳門特色。現場特別由主持人阮政峰宣布，「大四喜」的短片點擊已經突破80萬，非常厲害。談到澳門的感覺，陳榮峻即時「校長」上身，笑言要帶「道德重整會小學」班小學生一齊去澳門，參加「道德訓練營」，而羅樂林大爆原來自己細個在澳門讀書，所以對附近一帶都好有印象，今次已經係事隔廿八年再次重遊澳門，所以大感興奮。
大四喜一身Hip Hop打扮亮相。（圖片：Big Big Channel截圖）
四位長老一邊行一邊yo，非常投入。（圖片：Big Big Channel截圖）
譚道德校長今日唔返小學，直接去澳門登台。（圖片：Big Big Channel截圖）
大龍生都放低自己按龍集團嘅生意，去澳門表演。（圖片：Big Big Channel截圖）
至於黎彼得就提到上月跟周潤發去澳門合作的事，他說：「上個月同發哥嚟澳門拍戲，佢叫架車帶我哋去呢頭附近食嘢，又食魚翅麵，又飲手沖咖啡，真係冇得頂！」嘩，黎彼得可以同發哥一齊嘆美食，認真威水！ 由於《愛回家》多次成為無綫跨平台收視冠軍劇集，今次活動更宣布將會跟噴射船公司合作，莫非.....可以船上面睇《愛回家》？
黎彼得話上月同發哥先嚟完澳門拍戲，好威水。（圖片：Big Big Channel截圖）
除了大四喜之外，劇中的演員蘇韻姿、阮政峰同胡美儀都有出席。（圖片：Big Big Channel截圖）