以警隊為題材嘅電視劇同電影一向都頗受歡迎，長拍長有，適逢香港警隊成立175周年，兩套以警隊機動部隊PTU做題材嘅電視劇撞到應一應分別喺5月9日於黃Viu煲劇平台及5月12日於無綫出街，認真冤家！
《機動部隊2019》（前名《警察故事2019》）將會喺5月12日會喺翡翠台逢星期日2300播放，一連四集。楊明喺《鐵探》入面飾演嘅邱勵傑已經喺較早前被營長開槍爆頭身亡，留低飾演招喜悅嘅蔡思貝喊到死去活來，劇情勁夭心！《機動部隊2019》佢兩個可以再續前緣，齊齊做PTU行孖咇，觀眾可以睇番平衡吓心理。
楊明（左）同陳榮峻飾演父子。
硬食胡椒噴霧。
呢套劇製作都非常認真，一眾演員跟足真·PTU時間做訓練，日曬雨淋不在話下，楊明同蔡思貝仲要堅「硬食」胡椒噴霧，為咗視覺效果不惜一切，非常專業呀！無綫早前率先上載咗數集喺網上畀大家試睇，有網民就話覺得劇集節奏比較慢、畫面色調好暗，唔知翡翠台播個陣會唔會再剪過咁話……
另外，《PTU機動部隊》嘅Cast非常人強馬壯，除咗林峯之外，仲有蔡卓妍、方中信、譚耀文、林雪、張繼聰、温碧霞、苑瓊丹、石修等實力派演員。呢套劇仲係林峯時隔五年再度接拍港劇，佢更加獻出佢入行21年嘅第一次！原來林峯之前從未試過着制服拍時裝劇。林峯分享佢拍外景、行咇時，好多市民都以為佢哋係真警察。就連拍「掃樓」戲時撞到真警務人員都覺得奇怪點解有另一隊人「掃樓」。
{{hket:inline-image name="2.JPG"}}{{/hket:inline-image}}
阿Sa着起制服又幾英氣～
原來林峯拍劇咁多年第一次「着制服」。
{{hket:inline-image name="3.JPG"}}{{/hket:inline-image}}
{{hket:inline-image name="978.jpg"}}{{/hket:inline-image}}
講起PTU，小編唔係諗起任達華，而係最大肚腩嘅PTU林雪～《PTU機動部隊》有佢坐陣，正呀！
唔知大家５月份又煲唔煲得切兩套劇呢？