現年42歲嘅陳伶俐參加1996年度香港小姐競選後未有名次，後來亦有加入娛樂圈，後來因工作關係認識林敏驄，拍拖冇耐就公開戀情。1998年陳伶俐22歲，因懷孕而宣布婚訊，可惜維持咗十年終告離婚，二人先後生咗兩個仔，撫養權歸於陳伶俐。
2012年，陳伶俐低調改嫁新加坡隱形富豪胡嘉烈後人劉頌銘，2014年更爲劉誕下兒子。
陳伶俐大兩個仔，人人都叫佢哋「林肯」、「林善」，但都唔係真名。大仔林肯自小已展露才能，無師自通彈鋼琴，又背得出年曆每個日子係星期幾，當年陳伶俐貪得意帶佢去做IQ測試，結果發現他IQ超過一百三十，屬資優，更入讀名校聖保羅男女中學附屬小學。至於弟弟陳伶俐就冇特登帶他佢做測試，因為唔希望兩兄弟有比較咁話。
眨吓眼佢3個仔都已經分別二十歲、十五歲同五歲喇！尋日就係佢細仔林善嘅15歲生日，佢Post咗同佢嘅合照：「乖仔Yohji...阿媽我盡哂力了...養到你肥獅大隻......咁就15歲啦！！！」
之後又有感而發再Post同兩個仔嘅合照留言：「突然感觸起來 ～看似一張簡單的家庭照，背後藏著的真實故事............有誰共鳴 ？！你們終於長大了...我只希望這倆兄弟，可以做自己喜歡做的事，好好發揮自己的武功，快快樂樂地活出自己的人生～一個二十、一個十五...還有一個五（歲）！這是我的畢生任務～有時真的好攰 😭......但你們帶給我的快樂，亦是之「最」！#人人的故事不同#尊重別人就是尊重自己 #好好活出自己的人生 #你看别人好 #別人看你好#所以 #努力做好自己 #已足夠 。請相信「苦與樂」：其實都是同步的～當你有幾多苦的時候，你的快樂就會相對地送回給你。 」
左起：陳伶俐、大仔林肯與二仔林善
2018年嘅時候陳伶俐喺自己社交網Post咗一封給仔仔的信，內容勁洋蔥：
多謝乖仔你，很有心思和努力地...在2017年～我40歲～送了一份很大很大的禮物給我！還對我説：「媽咪，我想為你做點事.....」我真的感到欣慰...更感動得...流下淚來...（放心，這是開心的淚）
全取5*/5**！好犀利！
19年前的今天...剛到22歲的我，不理世俗眼光...義無反顧...排除患難，堅決地把你帶來這裡...跟自己説：「要為自己的任性，負上一世責任！一定要好好把你養育成人！」就是這份任性，所以更努力工作...更拼命去生存～靠自己的一雙手，要做好母親的職責！
2010年，你鼓勵我去拍拖，跟我說：「找個男人好好錫你，倍（陪）下（吓）你去旅行玩下（吓），都成33歳啦！成日做嘢都沒有認真去玩下（吓）.....」原來，11歳的你...知道我那廿幾歲的生活瑣碎事...... 2012年，我問你：「阿仔，點算好？有人竟然向我求婚.... 」你興奮地説：「梗係結啦！」但我答：「我怕...更怕失去你們...我會內疚的...」你搶著説：「到時我們成家立室，得你自己一個人，我們仲內疚啦！」 説到這裡......涙...今次是感觸感恩的涙...真的要多謝上天送給我「這對寶貝仔」～我的幸福快樂是你們送給我的❤️ 今天，你就19歲了！媽咪真的好高興～高興的是你的懂事和生性，令我想起...那些過去...苦與樂...一切一切都是值得的！
多謝你陪我過渡那些年...那些事...！❤️ 祝你生日快樂！身體健康！繼續享受你的大學生活～他日你想做什麼，我都一定會全力支持你的！
你也要好好享受和珍惜你的時光！
再一次多謝你...是你...成就了今天的我！
～乖仔Lincoln ～
永遠愛你的媽咪😘
陳伶俐係好媽媽呢一點就毋庸置疑 ，就連前夫林敏聰同佢離婚之後曾經公開稱讚佢為人：「作為前夫、朋友乜嘢都好，梗係出嚟撐。佢之後同邊個唔關我事，陳伶俐係一個有情有義嘅人，以往我有啲乜事佢都會挺身出嚟撐我。做夫妻係緣份好深，係上天安排，我仍然會祝福對方。」
依家嘅佢已經苦盡甘來～恭喜晒！