合和實業夥郭錦記餅店 帶平安包衝出長洲

下月中就係一年一度嘅「太平清醮」，如果想感受「包山節」氣氛，其實唔一定要去長洲同人逼嘅。黛安收到公關姊妹消息，原來平安包始祖長洲郭錦記餅店，同合和實業合作，第一次將「包山節」衝出長洲，由即日起喺灣仔The East、荃灣悅來坊及利東街，以「平安共載」做主題舉辦連串節慶活動，咁精采一定要去啊！

姊妹話，除咗巨型包山擺設外，現場仲有免費工作坊，畀市民學整傳統食品和手工藝品，包括由郭錦記餅店第二代傳人郭宇鈿，親自傳授製作平安包，又可學整長洲美食芒果糯米糍、迷你手工花牌及紙摺獅頭，呢啲機會一定唔可以錯過啊！工作坊名額有限，額滿即止，有興趣嘅朋友可以瀏覽The East（www.theeast.com.hk）、悅來坊（www.pandaplace.com.hk）同利東街（www.leetungavenue.com.hk）嘅網站啦。