上年年底鍾欣潼（阿嬌）跟老公賴弘國在香港結婚辦酒席，世紀婚禮有好多好朋友見證，當中包括一齊成長的蔡卓妍、容祖兒、鄭希怡、關智斌（Kenny）等，他們在阿嬌掟花球時，夾手夾腳推Kenny接住，雖然心裡萬二分無奈，但他都笑笑口開心迎接這個祝福。
去年年底Kenny接到阿嬌的花球。（圖片：關智斌IG截圖)
事隔４個月，終於有好消息喇！Kenny在Instagram上載一張戒指相，雖然無寫「I DO」，但就寫上一組好特別的數字「K569X181 」，又留言寫：「土星 代表責任與規劃，摩羯 象徵盡責與穩重，手指上的光環 像圍繞土星的行星環，繫上血管 接通心臟 連繫著眼前這一個我。」嘩，好浪漫呀！有人留言解密說：「密碼是戒指的內周長和直徑。」恍然大悟的人即時讚好兼叻豬......睇到呢度，你又估唔估到大家諗緊咩呢？
關智斌一個密碼，令大家想起張敬軒，真係鬼馬。（圖片：關智斌IG)
好多事不要講到太白，總知之後好多網友同Fans留言恭喜，又刻意點名提到張敬軒.......首歌《無名指的光環》。
「我真係恭喜你呀」
「respect！斌！要幸福啊！！」
「我真係恭喜你吖！！！祝你們長長久久！！愛得幸福！！愛得剛剛好！」
「戒指+兩個人仔=好事近？」
而另一邊張敬軒Instagram的留言都係灌水式。
「恭喜啊！利是已準備好」
「張敬軒你係迷要結婚啦？你睇睇隔離個條IG，無名指的光環好閃耀啊！」
好啦好啦！大家留言開心，其實有冇諗過想唔通密碼嘅朋友架？哈哈哈！張敬軒留意到大家瘋狂留言，即時上Story說：「你哋一個二個再喺我個IG度FF，我就BLOCK _ 晒你哋！」哈哈哈，相信大家都係用個話題講吓笑，希望皇上息怒，不過，我想問...軒仔試咗戒指未？
張敬軒上載旅遊的照片，沒想到惹來粉絲連聲恭喜。（圖片：張敬軒IG截圖)
張敬軒搞笑警告大家不要再幻想。（圖片：張敬軒IG截圖)
張敬軒演唱會上，邀請到Boyz擔任嘉賓。（圖片：關智斌IG)
其實軒仔同「小斌女」Kenny的同性緋聞都傳足十年有多，之前靜過一陣子，但他們早前互相擔任對方演唱會的表演嘉賓，造成紅館同Star Hall嚴重騷動，不如一齊唱首《預言書》來回味一下，「時光機，留給你，回憶裡，誰帶路, 假使間給你再做，問你又會否寄望更高？傻瓜機，留給你，誰歡笑，誰憤怒，想當初預言無數，世界有太多變數......」