【安心偷食】喊到收唔到聲！許志安開記招：我覺得自己不知所謂

現年30歲嘅黃心穎與51歲許志安今晨被爆出早前背男友馬國明及老婆鄭秀文出軌。略帶醉意嘅黃心穎與許志安於的士車廂攬啜互摷兼十指緊扣，如入無人之境，誇張程度令人咋舌。

{{hket:inline-image name="42429029_1128665930619460_8183313028746377947_n.jpg"}}{{/hket:inline-image}}

事件男主角許志安於晚上七點舉行記者會交代事件，記者會不設提問。

{{hket:inline-image name="1.jpeg"}}{{/hket:inline-image}}

許志安由黃柏高陪同，一身素色服裝現身會場，安仔一現身即鞠躬道歉，面無表情，雙眼通紅，黑眼圈甚深，一開口不禁聲淚俱下。許志安表示當晚飲咗好多好多酒，但知道唔係一個藉口，好對唔住老婆，好對唔住支持佢嘅人。

今天嚟到呢度，想親口衷心同大家講對唔住，我嘅家人、Sammi嘅家人、朋友等，致萬二分歉意，自己做咗一件不可彌補、不被原諒嘅事，呢個錯我深深反思自己，我係一個醜陋嘅人，我嚟呢度想承擔我嘅責任，我當晚的確飲咗好多好多酒，但唔係一個犯錯嘅藉口……接受唔到自己，睇到報道後我覺得自己好丟臉，好錯，好嘔心，好陌生，我有深刻反思覺得點解唔可以控制自己去犯呢個錯，起咗呢個色心，我覺得喺承擔責任上，要分2部分，第一，依家開始我會暫停所有工作，重新檢視自己做人，直到我真正搵到自己，重新學做人。第二係心靈上，我覺得自己不知所謂，因為我嘅錯誤同行為令身邊所有人承受壓力同痛苦……報道令我深刻反思，最錯係我迷失咗自己，最後我做錯咗，令愛我嘅人……令你哋難堪，對唔住，對唔住Sammi，我唔知往後點去走自己嘅路，我呢刻係冇咗靈魂，我係壞咗嘅人，希望大家可以畀時間我搵番我自己。

{{hket:inline-image name="4.jpeg"}}{{/hket:inline-image}}

{{hket:inline-image name="3.jpeg"}}{{/hket:inline-image}}

{{hket:inline-image name="2.jpeg"}}{{/hket:inline-image}}

最後跟所有朋友再說一次對不起，然後安仔站起來，向大眾鞠躬後便離開，問到Sammi是否原諒，如何彌補等問題，他一概沒有回應。

{{hket:inline-image name="d97626c34277417.jpg"}}{{/hket:inline-image}}

{{hket:inline-image name="9.JPG"}}{{/hket:inline-image}}

許志安同時於自己ig發文懺悔。