很多時藝人太投入某個角色，將角色演得出神入化，就會被觀眾定形。最近就有個「有冇啲咩藝人你一見到佢就會定位咗佢係做咩角色」的帖文， 引來網民激烈討論。 當中三哥苗僑偉是臥底聯絡員；黃宗澤是有腦醒目花花公子；吳卓羲是無腦衝動警員；王敏德是外籍教官；黎諾懿是馬壯；而吳岱融就是痴線有錢佬。雖然吳岱融在鏡頭前面演慣花心壞人，形象深入民心，但現實中的他其實剛剛相反，是個專一好老公。為了老婆，吳岱融可以所有錢都不要，甚至講到明：「願意所有錢畀老婆」，獨愛老婆23年。究竟是甚麼原因，令他如此專一呢？
因拍劇結緣 曾情侶檔演露點三級戲
1980年，吳岱融加入新廣第5期演員訓練班，畢業後成為新廣及新加坡電視圈當紅小生，1987年後毅然赴香港由零開始重頭發展。同年，鍾淑慧於環球小姐競選贏得香港區冠軍及最具氣質獎。二人直到2年後才有機會一齊拍戲，於第1套合作劇集《人·鬼·狐》已定情，其後開始拍拖。二人感情好好，俊男美女的配搭又很合襯，去到1993年吳岱融雖然因為去亞視宣傳唱片被TVB雪藏，但生計未有陷入危機。此時他們遇到一份不錯的劇本，於是決定情侶檔接拍露點三級片《滅門慘案之孽殺》。提返起套戲，吳岱融就話儘管角色需要拍攝裸露鏡頭，他們也不介意：「其實我係個好鍾意做戲嘅人，我覺得每個角色要全情投入落去，我覺得（拍三級片）唔係壞事。仲有同我拍好過同其他男演員拍，始終佢當時係我女朋友。」
老婆忍不住離家出走 吳岱融交出財政大權
後來二人於1995年11月29日註冊結婚，婚後育有一子吳政樺，老婆則淡出演藝圈，一家看起來三口相當幸福。但事實上結婚頭7年，兩公婆就因為經濟的壓力，往新加坡、內地定居，在不少事情上都會有爭吵，更曾說要分開。當時老婆很決絕，不但以一條死路來形容兩人的關係，表示自己難以忍受吳岱融的性格，之後更一度帶囝囝到廣州住了一段時間。全因老婆離家出走，吳岱融才發現原來沒有老婆、囝囝的日子很痛苦，他坦言自己不可以沒有老婆，斷定她是他的終身伴侶：「差唔多大半世人同一個人一齊咁多年，大家又互相愛錫對方，好慶幸可以遇到佢，都係嗰句，真係好多謝佢。」為了家庭，決定一改自己花心貪玩的性格，更加做出很多寵妻行為，展現自己專一的一面。
經歷23年考驗，除了對囝囝照顧有加，吳岱融與至今依然深愛著老婆，無悔無怨，恩愛如初。為了感激老婆一直以來的付出，竟然豪言表示願意交出財政大權，將所有錢給予她好好理財，又將二人擁有的物業都寫在她名下，自己就從不管錢，完美體現一段關係中的信任。他認為一個家舒舒服服，樂也融融就夠了，自己也不會跟其他女生過往甚密：「佢冇刻意要求我咁做，係我自己願意，我已經唔在乎榮華富貴，利誘同誘惑，我睇得好淡。」最誇張是吳岱融說過：「如果老婆同另一個男人開心，你冇理由鎖佢，呢啲先係真正愛對方！雖然咁會好辛苦、唔舒服，但為咗對方，只好咁做。」，其實想暗示自己對老婆的尊重。
見到老公的改變，老婆最開心：「同佢咁多年整體係開心嘅，一對夫婦總有吵吵鬧鬧嘅時間，或者小風波，要風平浪靜冇可能，不過我們碰到都係小事。快樂唔係建立喺金錢上，所以咁多年嚟，我哋都幾好。」兩個不再是18、22，但感情太好，所以經常攬住對方咀對咀，囝囝就會呷醋用眼倔住，好搞笑。吳岱融說：「老婆就做得好好，啲嘴成日喺屋企飛嚟飛去！」如今見到他們如此恩愛，真令人羨慕萬分！
▼曾為老婆推出歌曲《回去愛你十億秒》表達對她的愛，更邀請她親自做MV女主角
▼主要負責氹妻兒開心，帶他們遊山玩水，是家中的康樂大隊長
▼為妻兒會開始減產，每年只拍1、2套有質素劇集