AlipayHK增手機點餐付款 歎麥當勞 滋味獨家賞

隨住科技發達，依家出街幾乎唔使再帶銀包，隨時拎個電話出嚟「嘟」就畀到錢。黛安知道，AlipayHK同香港麥當勞噚日起宣布合作，首次喺麥當勞App增設使用AlipayHK進行點餐付款，為App入面嘅電子支付功能升級；仲會推出期間限定「滋味獨家賞」獎賞，集優惠同方便於一身！

今次Alipay同麥當勞合作，可以喺麥當勞App增設使用AlipayHK進行點餐付款，等顧客透過自主操作點餐，提高便利性同收銀效率。唔止咁，由即日起，去麥當勞門市掃描「勁賞掃」二維碼，或喺麥當勞App點選AlipayHK宣傳欄，即可領取「即時賞」高達5蚊嘅滋味賞電子禮券優惠，及高達2蚊嘅每日優惠，使用AlipayHK結帳就可以用！

而家去麥當勞消費，仲可同時儲到15蚊嘅麥當勞專屬印花同12蚊嘅AlipayHK全港印花獎賞；AlipayHK全新用戶仲可獲得50蚊迎新優惠，用優惠價格享受美食！

支付寶香港行政總裁陳婉真話，期待今次同香港麥當勞合作後，可做到行業先鋒作用，令更多餐廳食肆加快踏上數碼轉型之路，令港人體驗到快捷便利嘅點餐同付款方式，透過餐飲服務踏出智慧生活第一步。