《鐵探》頭一個星期槍戰連場，神探上身的垶Sir（袁偉豪飾）成功K.O.以山狗（林偉飾）為首的販毒集團，山狗與手下發瘟（方紹聰飾）、大威（林利飾）都統統死於子彈之下，雖然短短幾日戲，但觀眾對於這幾位悍匪的演技可謂有讚無彈，加上他們的造型夠晒殺氣，實在值得一讚。其中本報報道過方紹聰（奶仔），捱足十年，靠揸貨車維生，繼上次《特技人》之後，今次《鐵探》再露鋒芒。連黑仔姜皓文都以前輩身份在社交平台大讚奶仔，他留言說：︰「心裡有火有理想，用心去默默耕耘的新演員，觀眾係不會走漏眼的......#奶仔 Good job👍 #鐵探 #發瘟 #新演員 #好演員 #方紹聰」
奶仔角色非常搶鏡，特別是準備捉拿晴晴的一幕。（圖片：方紹聰微博）
雖然黑仔比他資深，但兇狠的眼神沒有被比下去（圖片：方紹聰微博）
奶仔在劇集第四集已經死去，觀眾都大表可惜。（圖片：方紹聰微博）
奶仔今日照樣出席《鐵探》的宣傳活動，一臉陽光氣息，跟劇中的「發瘟」大為不同，對於網民大讚他表現出色，他表示非常感恩：「袁偉豪搞到我哋兩個『越南幫』死咗，不過之後我後面個大佬會出嚟找班警察麻煩，(角色死得太快？)見好就收嘛，『發瘟』個角色雖然好似好猛咁，但其實我後面班大佬仲勁，之後劇情一定好好睇，大家一定要繼續追！」
奶仔表示發瘟的角色多得監製為他打造造型，幫忙他在戲劇上的發揮，他說：「至於眼神，我是參考貓的眼神，監製同我講，角色係越南幫打完仗之後長期吸毒，所以眼神會浮游少少，而我角色入面要睇姜皓文唔順眼，咁貓有種高傲眼神就幾好。（拍攝長期保持眼神好攰？）不會，我本身隻眼細，唔算辛苦！起初接到呢個角色時，我知道四個反派入面我係最新，我都有擔心個氣勢唔夠佢哋嚟，所以幸好監製安排個造型比較陰沉，幫忙好大。」
奶仔即場示範如何一秒變「發瘟」。（《晴報》圖片）
發瘟呀！好驚呀！（《晴報》圖片）
原來奶仔係向貓咪學習眼神，又幾特別喎！
奶仔係愛貓之人，在他的社交平台有不少貓咪的寫真。（圖片：方紹聰微博）
奶仔直言劇集出街之後，的確增加不少「朋友」的關注和支持，他笑言：「好尷尬，我唔敢講大家係fans，但的確係好多朋友仔支持，之後我都接拍咗《十八年後的終極告白》（前名：《十八年後的殺人告白》）和《金宵大廈》，雖然唔係咩重要角色，但做兇手殺人都幾好發揮，我都幾鍾意演壞人。」機會愈來愈多，是否意味住不需要再揸貨車維生？奶仔說：「貨車係做兼職，唔係日日開工，得閒就去做，其實份兼職唔辛苦，TVB對我好好，無TVB唔會有今日嘅我，出去做兼職，可以賺到好多人生歷練，同搵多少少零用錢。」
雖然貨車載貨比較辛苦，但能夠兼職賺零用錢，奶仔不亦樂乎。（圖片：方紹聰微博）