日本Takara Standard廚櫃 灣仔開陳列室

香港人對廚具要求愈來愈高，信興公關姊妹同黛安報料，話剛引入咗日本廚具名牌Takara Standard嚟香港，首創以琺瑯訂造廚櫃及飾牆等，令櫃門內外以至櫃體結構，都具有耐撞擊、耐熱耐磨、易潔防霉兼具磁性等優點。

琺瑯以鋼板同玻璃結合成板材，用來製作廚櫃及牆身飾面，耐撞耐熱亦易潔防霉，而且唔會發霉。由於琺瑯鋼板底層為金屬，所以具有吸附磁性，仲可配合品牌旗下嘅「隨處貼」配件，令牆身兼具儲物功能，善用有限空間優化。公關姊妹話陳列室喺灣仔開幕，有好多適合香港家居廚房既設計，各位姊妹記得去睇下！