近日「御用慈母」程可為出現次數甚高！先在電視劇《福爾摩師奶》見到她飾演神婆，明明兒子徐榮已經長大成人，應該有自己生活，但她身為人母偏偏放心不了，還要求未來將會遇上大災難的兒子與命硬陳煒在一起，希望為他擋煞，是個很痛錫兒子的媽媽。另外程可為與譚仔雲南米線合作出微電影，又再飾演媽媽。這套就講述她與女兒感情好深，無論笑還是喊都是在一起，猶如朋友一樣，一聽到女兒要拍拖就瘋狂問女兒男朋友：「咩同學？有冇家底？識咗幾耐？你鍾意我個女啲咩？」。雖然好擔心，不過程可為還是放手讓女兒出去拍拖，漸漸女兒已經有成個禮拜沒有回家吃飯。其實比起自己孤獨，程可為更加怕她被男人欺騙，不眠不休到凌晨4點都要等女兒回家。兩母女關係慢慢疏遠，直到女兒分手，程可為也沒有怪她，反而默默在身邊守護她。
無論出演哪套作品，程可為都不約而同地干涉子女私生活，去到最尾，其實只想跟觀眾說一句：世上只有媽媽好，她做甚麼都是想你得到幸福。全靠程可為動人演繹，讓不少觀眾產生共鳴，醒覺要回家孝順媽媽。不講不知道，原來68歲的「御用慈母」程可為身為演員最想要不是獎座，而是一個廣告，她說：「做咗40幾年咩類型嘅阿媽都做過，但就半個關於媽媽廣告都冇人揾，希望退休前有啦。」，如今總算是圓夢。圓夢背後，最驚訝是現年68歲的程可為原來從未做過媽媽，連婚都未結！
(TVB電視截圖)
{{hket:inline-image name="14.jpg"}}{{/hket:inline-image}}
(微辣截圖)
錯過人生黃金時期 不介意由女二變御用阿媽
1972年，年輕的程可為外表幾標緻，所以曾同時被2家航空公司看上，可是家人反對才沒有當空姐。結果她決定加入第1期無線電視藝員訓練班做演員，同期同學包括甘國亮、許紹雄等，被視為TVB力捧小花之一，多出演第2女主角。去到26歲，程可為於《情深深雨蒙蒙》飾演甜美乖巧的如萍，與鄭少秋飾演的何書桓做對手戲。如萍對愛情天真無知，原本與何書桓十分美好夢幻的一對，可是卻被何書桓劈腿拋棄，傷害得遍體鱗傷。當年很多女觀眾都痛罵鄭少秋，程可為也憑藉這一惹人憐愛的角色，迅速走紅。之後程可為又於曾經風靡東南亞的經典武俠劇集《楚留香》出演其中一角，她扮演心儀胡鐵花（吳孟達飾演）的武林世家之女高亞男──高家大小姐。劇中她一直糾纏著胡鐵花不放，有歡喜冤家的感覺，去到最後沒有幫助稱霸武林的祖母高太君，反而大義滅親，堪稱重要配角之一。
(TVB電視截圖)
明明事業如日方中，可惜去到1984年仍然青春貌美的程可為突然想休息，於是移民温哥華，一住就住到1997年。回歸TVB到現在，程可為入行前後做了46年，拍了百多套劇集，由於年齡上升、外表慈祥，她經常於劇中飾演媽媽或長輩角色，慈母形象深入民心。雖然被人稱為殿堂級綠葉，不過程可為最強試過一晚播映的4齣戲都有她做媽媽，比不少被力捧的小生小旦出鏡率仲高。所以就算沒有嘗過做一線的滋味，程可為都已經很滿足：「我唔會眼紅人點解自己無得擔正，由細到老都冇熱血。但冇係咪等於hea做？絕對冇，我從來冇推過job，因為鍾意做戲所以咩都做。」很多人見到自己戲分不足，或者被公司轉合約，人工大縮水都會力數公司不是，程可為卻很樂天知命：「拍咗好多劇，我仲想點呢？我又唔會追多啲人工，佢話騷錢加100蚊已經好俾面我，有時佢哋叫我簽約，我叫佢打好，我就上嚟簽個名。如果你覺得加100蚊係侮辱，你應該擰轉頭就行，講咁多無謂嘢做咩？」
捱到患甲亢凸眼 選擇一世單身活得自在
由於從無推過job，劇接劇，結果程可為捱到周身痛，先患上甲狀腺功能亢進症（簡稱甲亢），搞到差點毀容，多年後才痊癒：「嗰時因為因甲亢凸眼，醫生建議打botox喺眼皮上就會自動放鬆，眼皮唔會扯住令眼珠凸出嚟。都堅持幾年，對眼先開始對路。」 去到2016年，程可為又跌傷腰骨，要定期做物理治療：「我行動冇咁靈活，成日要食止痛藥，唔食根本唔可以舒緩自己去瞓覺。依家年紀大，唔想自己太辛苦。」
不過程可為依然堅持單身，至今仍未結過婚，更遑論做媽媽，證明演技爐火純青，大家都被騙了。多年來，程可為聲稱自己是不婚主義，最享受一個人，最怕被婚姻束縛，所以曾拒絕過2位男朋友的求婚，寧願打一世工。她說：「心動嘅人點會冇？問題係年輕嗰陣覺得唔使咁麻煩，依家自己又可以賺錢，搵嚟做咩？我當自己隻狗係人咁養，會掛住佢，又驚佢凍或者熱、會唔會肚餓，如果有家庭我會好大壓力，我依家好輕鬆。我唔會覺得冇老公，冇兒女會唔舒服㗎，夜晚寂寞？更加唔會，我好多節目！」