大小姐林淑敏哭崩剖白患癌痛楚 「醫生話我可能冇得生小朋友」

《愛．回家之開心速遞》裡面的大小姐鬧人時中氣十足，很受歡迎，但現實生活中，42歲的林淑敏曾經度過一段很難捱的時候。2010年，林淑敏不幸確診第2期乳癌，在抗癌的痛苦時期，她一頭烏黑的秀髮不但幾日內就掉光，而且又出現胃酸倒流和血漏的情況，甚至需要用成人紙尿片，令她失去尊嚴，幸好多得老公不離不棄、生死與共，照顧林淑敏日常生活，最後她花了年半終於抗癌成功。近日她獲邀以癌症康復者的身份，用個人真實經歷為藍本拍攝微電影，第一身帶網民完完整整地回顧其抗癌經歷，讓大家了解更多患者的心理、身理痛苦及經濟壓力，當中她動人真摯的演出感動不少網民。

聽到患癌惡耗晴天霹靂

片段返回2010年12月，林淑敏聽完噩耗拖著失落的心情回家，甫開門就見到男朋友很擔憂地坐在自己家中沙發。雖然對方第一時間問醫生怎樣說，不過林淑敏一時之間未能接受現實，轉身迴避話題。男朋友繼續追問，林淑敏怎能不難過，又該如何安慰自己，終於忍不住倒在他溫暖的懷抱中，眼淚不禁簌簌地流下。聽到男朋友不斷話：「無事嘅，無事嘅，一定會無事」，她頓時無法控制淩亂的思緒，哭得那樣傷心，那樣悲慟，那樣絕望，淚水像決了堤的洪水似的從眼窩裏傾瀉出來。

{{hket:inline-image name="12.jpg"}}{{/hket:inline-image}}

擔心停工冇錢 懼怕併發症 更驚不育

鏡頭一轉，林淑敏跪在地上很慌忙地找東西，男朋友依舊地叫她樂觀面對：「無事嘅，你唔好咁擔心啦，咁樣對身體唔好㗎！」，又提出會幫她打去公司安排。但抗癌是一個長期戰爭，林淑敏必須暫停演藝事業。未知道患癌前，林淑敏收入僅夠糊口，為負擔開支，她已經要身兼兩職，如今要再負擔一大筆化療費用，同時又要停工，經濟壓力好大。「我點唔擔心啊？我大後日就做手術喇，我依家乜嘢都未安排啊，公司嗰度我唔知點同佢哋講，唔通我周圍同人哋講我生cancer所以開唔到工啊？我唔係驚大後日請唔到病假啊，咁之後呢？我問醫生我做完手術之後會唔會無事，醫生話要睇情況而定，咁啫係唔知啦！就算我手術成功，我將來都有機會復發㗎。到時我唔知要做啲咩treatment喇，你知唔知要用幾多錢？我點可以唔諗？」一想起錢，林淑敏就很煩惱。

{{hket:inline-image name="13.jpg"}}{{/hket:inline-image}}

而且林淑敏好怕、好怕，由檢查、打針、通知，只是3、4日的事，之後就要馬上做手術，剪走一大片乳房；手術完成，化療期間所受的痛苦更加是常人難以承受。「如果做化療嘅話，我會甩晒啲頭髮，醫生話我將來可能會冇辦法生小朋友...我哋分手啦，我唔想累咗你。我認真㗎。我哋之前計劃結婚，而依家點樣結啫？」為免男朋友要花時間、金錢、精力照顧一個不能為他傳宗接代的女人，林淑敏堅決提出分手。縱然男朋友拒絕，但林淑敏不想拖累他，寧願自己一個人背著他承擔所有壓力、痛楚，無聲地低下頭，肩頭劇烈地抖動起來，讓人感到茫然失意。

{{hket:inline-image name="14.jpg"}}{{/hket:inline-image}}

{{hket:inline-image name="15.jpg"}}{{/hket:inline-image}}

幸有男朋友不離不棄

男朋友沒有離開，只會煮公仔麵的他為林淑敏親手煮了一餐住家飯，有菜芯、魚湯、蒸魚、煎蛋、蒸肉餅，白飯任裝，好有心思。雖然原來都只得個樣，林淑敏一飲就話太鹹，不過男朋友原來想借機求婚，拿出戒指，當是求婚晚飯，坦言只想與她慢慢變老。林淑敏聽罷很感動：「喺抗癌嘅路上，好多謝我先生一直用行動去支持同鼓勵我，為我每日煮5餸1湯，康復後依然無條件咁支持我去追尋夢想。佢令我明白原來愛並唔係咩山盟海誓，而係用行動去守護。」

林淑敏話片段都是真事，只有求婚沒有這麼浪漫，而是很平實：「現實中我哋好簡單，打電話去教堂問邊日有期就揀邊日，當時教堂還稱只得一日，但朝早有白事問我們介唔介意，我哋話冇問題，就結咗婚。我鍾意細水長流，可以一齊生活日常，一起變老已經係最好。」

{{hket:inline-image name="16.jpg"}}{{/hket:inline-image}}