海洋公園推港人專享優惠 與長者同行買門票6折

新春佳節剛過，但盡孝、團圓氣氛幾時都要keep住！黛安知道，海洋公園為咗鼓勵大家多啲陪家中長者齊齊入園同遊，聽日起將推出香港市民專享嘅長者同行優惠，與年滿65歲或以上長者同行嘅親友，即享門票6折優惠，仲會有埋優惠券齊齊share！

海洋公園向來深受大人同小朋友歡迎，今個月13日至28日期間，65歲或以上嘅香港市民只要出示香港身份證，或者由社署簽發嘅長者卡，同行最多4位親友即可享門票6折優惠，購買2張或以上成人門票仲送埋6R相片一張，等長者可以帶埋張全家福返屋企。

此外，長者們仲會獲贈優惠券，包括去海洋奇觀、南極奇觀等指定動物展館，同親友一齊享用特快通行服務1次，仲有其他餐飲同購物禮遇等，讓大家可以共度難忘嘅闔家歡樂。咁開心，黛安都要快啲帶埋家中長輩入園玩啦！