全球首個海上真人版本 星夢郵輪玩轉《大富翁》

大家農曆新年有無計劃去邊度玩呢？黛安聽公關姊妹講，星夢郵輪旗下嘅「雲頂夢號」和「世界夢號」，會喺1至3月推出全球首個海上真人版《大富翁》遊戲！

姊妹話，呢個海上真人《大富翁》挑戰賽係特別訂製，仲將星夢郵輪嘅元素加入設計入面，包括地皮以船上特色設施命名，好似有水晶生活‧水療、小小夢想家俱樂部、VR體驗館等，除咗最終獲勝有大獎外，「機會卡」和「公益福利卡」亦都加入咗船上特別優惠同禮品，好豐富啊！想參加嘅話，可通過參與系列海上小遊戲獲得參加資格，同屋企人一齊贏得大富翁終極寶座啦！

除咗遊戲，星夢郵輪廚師團隊更為旅客特別設計咗《大富翁》主題下午茶，以棋盤做底，骰子、遊戲紙幣、機會卡等元素化身做一道道精美鹹甜糕點，大富翁先生仲會着上船長服，同旅客一齊歎下午茶。

唔止咁，船上嘅小朋友都一樣唔會悶，姊妹話，星夢郵輪首次與思進電腦有限公司、EVI兒童教育資訊網同Lego Education合作，將STEAM課程融入獨家「小小夢想家」計劃，為2至12歲小朋友帶來各類益智課程同活動。農曆新年期間，大富翁先生會喺春節大遊行中，派發金幣巧克力，為旅客送上金豬年祝福呀！