7-Eleven×Sanrio 換花花世界陶瓷碗

農曆新年就到，黛安正物色緊全盒，最近就收到風，7-Eleven同Sanrio合作推出以花花世界圍繞10位Sanrio人氣角色嘅花形陶瓷碗，造型好萌！公關姊妹話，10款Sanrio花形陶瓷碗，包括My Melody、大口仔、Hello Kitty、玉桂狗、布甸狗、AP鴨、Kero Kero Keroppi、PC狗、Little Twin Stars、Kuromi，同1款粉色花形立體托盤。

公關姊妹仲話畀黛安指，陶瓷碗系列仲分為淺色系同深色系，每個色系各5款。每款陶瓷碗直徑約12cm，角色旁邊都有花花圖案，靚到忍唔住要睇多兩眼。

而且為咗凸顯每款陶瓷碗嘅獨特性同收藏價值，碗底會印上各位人氣角色嘅名同所屬嘅花形名稱，而粉色花形立體托盤，更加用咗Hello Kitty做主角，配上櫻花粉紅；拼齊1套陶瓷碗，新年當全盒用一定好吸睛。

只要聽日早上7點至下個月19號，喺7-Eleven購物滿20元，就有印花1個，儲齊22個印花，可以喺聽日起至下個月22號免費隨機換領陶瓷碗；或儲齊5個印花加22元，隨機換購。聽日早上7點起，任何消費加99元，就可換購托盤1個。