劉偉明榮升 昂坪360署理董事總經理

昂坪360最近又有喜事，黛安收到風，原來入職多年嘅劉偉明（Andy），榮升昂坪360署理董事總經理，認真可喜可賀！

Andy早喺2005年昂坪360開業前就已加入公司，更升至商務總管，負責管理公司嘅纜車業務、昂坪市集嘅零售同租務事宜。昂坪360董事局主席楊美珍就大讚Andy工作出色，話佢喺任內積極開拓海外同內地市場、拓展電子商貿平台，又透過360假期，聯合大嶼山唔同景點同單位，因時制宜咁推出迎合特色旅遊產品，例如大澳同棚屋體驗，令過去多年嘅訪客人數一直好理想。