長江中心聖誕報佳音 長和主席李澤鉅都撑

仲有幾日就到聖誕節喇，黛安最期待就係報佳音環節，一大班人齊齊唱聖詩，真係好warm！聽公關姊妹講，長江集團中心噚日喺午飯時間，舉行咗一年一度嘅聖誕報佳音活動，連長江集團主席李澤鉅都有現身捧場同打氣！

原來今次報佳音嘅團隊，係由長江集團同事加埋唔同租戶職員組成嘅「長江活水」，今年已經係第5年喺長江集團中心大堂報佳音，其中一首詩歌叫做《愛可以再更多一點點》，歌詞提到「不要埋藏在心裏，把愛說出來」，真係聽到黛安好感動！難怪連李生都要現身支持啦，佢仲同大家影相留念啊。黛安仲知道，佢哋今明兩日仲有兩場報佳音活動，有興趣嘅朋友不妨一齊去現場感受下聖誕氣氛啦！