青衣城晚間音樂會 齊撑本地音樂人

黛安向來愛音樂，最近發現港鐵商場搞咗個新意思，喺旗下嘅青衣城試行咗一個「Night Lounge晚間音樂聚會」，提供一個新平台畀本地歌手同埋有潛質嘅創作團隊表演，之前仲吸引咗過百名觀眾到場支持，大家都聽得好開心！

雖然有人話香港樂壇愈來愈細，但黛安就唔同意，其實本地仲有唔少有心嘅音樂人，只係無足夠平台畀佢哋發揮。青衣城都明白呢個道理，所以早前就開始試行呢個晚間音樂聚會，搵嚟本地歌手Hana菊梓喬、小塵埃；同本地樂隊No Rush同RF2 Official等，希望藉此聯繫社區，亦等佢哋好好為大家表演。

黛安仲知道，佢哋今個聖誕亦會同一位本地新晉插畫師鍾穎兒合作，將青衣城化身成奇妙森林，一班可愛嘅動物角色更會由台上到台下為大家奏出聖誕樂章，鍾意音樂嘅你又點可以錯過呢！