《大帥哥》開播以來成績不俗，由40後到00後無一不被張衞健式的金句與笑話吸引，令觀眾重拾煲劇情懷。除了張衞健演技好，夠壓場感，當中急口令式對白更令大家聽到嘩嘩聲，洪永城就大爆張衞健拍劇時盡心盡力勁認真，晚晚度對白都搞到半夜三更，寧願犧牲休息時間都要帶畀讓觀眾驚喜：「有咁叻嘅老師，跟佢指示做已經無包袱。佢仲會幫我哋嘅劇本做埋功課，所以成個團隊都好尊敬佢！希望觀眾將視帝一票投俾Dicky，不過就頒獎禮觀眾未睇到戲肉有少少蝕底。」多得張衞健作為前輩無私地教做戲，難怪來到第三集就有網民就留意到楊秀惠、譚凱琪的演技好似脫胎換骨，表演張衞健式急口令同押韻對白時功架十足。
用心塑造人物角色 大帥哥原來是英雄
張衞健成功塑造出更有血有肉的人物角色，即使身邊軍閥個個都有陰謀，唯獨他仍留有同情心，強化大帥哥正義形象，讓觀眾愈來愈愛上大帥哥。今集故事講述新官上任的張衞健自從做了大帥哥後就氣焰倍增，在囂張的張達倫、Eddie、古明華面前槍殺小兵，令他們不再敢作威作福。當大家以為大帥哥變得心狠手辣之際，原來一切只是煙幕，他們早就買通小兵，叫他詐死留小命。張衞健表面冷血無情，實際上聰明絕頂，多詭主意，十分講義氣，當蔡思貝被Eddie捉走困在地雷陣時，張衞健竟不顧生命拆地雷，上演英雄救美。
另軍閥明明可以享有三妻四妾的福利，左擁右抱，但其實大帥哥早就喜歡蔡思貝，所以就算兩大姨太太楊秀惠與譚凱琪千方百計討好，更分別穿上低胸舞衣及緊身旗袍大玩色誘，他亦很有原則，堅持最多只可一齊瞓，絕不可有非份舉動，請呢兩位靚女食檸檬，大放笑彈。
楊秀惠譚凱琪演技大進化
而在張衞健無私教做戲的情況下，楊秀惠與譚凱琪的演技亦大躍進。其中楊秀惠就將性感風騷演繹得淋漓盡致，大賣成熟女人味，一時將聲線提高幾度大展姣功，一時又甜蜜拋媚眼，兼狂掃張衞健背部，搔首弄姿，借故親近，真係少啲定力都出事。至於譚凱琪亦出盡渾身解數爭相色誘張衞健，大玩賣萌，一時扮可愛，一時又顯得我見猶憐，甚至駟妻上身親自下煮整幾味清淡小菜，與楊秀惠一樣搶鏡非常。難怪不少網民對她們的演出一致讚好：「真係估唔到譚凱琪咁好戲，搞到我好想撲埋電視保護佢。」、「楊秀惠簡直係性感女神，我真係好睇大帥哥之後頂唔頂得順。」