粵菜天龍軒 膺全球25間最佳高級餐廳

香港被譽為美食天堂，黛安知道國際旅遊網站TripAdvisor最近根據網友評比選出全球25間最佳高級餐廳，而香港粵菜餐廳米芝蓮二星「天龍軒」就排第23名，亦係全港唯一上榜嘅餐廳，好威啊！

排行榜中，法國、西班牙、英國同意大利各有3間餐廳上榜，美國就有2間。而入圍嘅東方餐廳，就有北京、香港、泰國清邁同印度各1間，其中北京嘅TRB Hutong名列第7，泰國清邁嘅David's Kitchen就排第10，香港粵菜餐廳「天龍軒」就排第23。好多網民都話，天龍軒嘅食物同環境都唔錯，尤其係維港景色就特別令人嘆為觀止。