培幼會助養計劃 為困苦孩子送暖

聖誕節大家都會為摯愛送上禮物，不過，一班喺遠方嘅貧困小朋友，就未必咁幸運。黛安最近聽到剛剛去完柬埔寨偏遠地區嘅國際培幼會（香港）總幹事蕭美娟（Kanie，後排中）講，嗰度有一所小學，近180個學生要輪流喺兩個細小課室上堂，校園設施都非常殘舊，而9月發生嘅印尼7.5級地震同海嘯，令好多學校被破壞，小朋友因而失學。Kanie仲話，依家災區仲進行緊救援工作，呼籲大家喺聖誕節向佢哋送上禮物，在黑暗中為佢哋帶來希望！

其實，每個月只要用240蚊就可以助養一位兒童，透過醫療、居所環境、教育等，長遠幫助佢哋喺社區脫貧自立。