袁偉豪贏視帝即結婚？ 張寶兒︰仲有好多抱負

張寶兒（Bowie）昨日到尖沙咀出席活動，對於男友袁偉豪早前獲封馬來西亞及新加坡「雙料視帝」，Bowie力撑男友有能力攞埋TVB台慶視帝連中三元，但不會衝動結婚，她說︰「現時未適合。」

張寶兒昨日與陳貝兒及陳蕾等出席首飾品牌活動，與袁偉豪蜜運中的Bowie，被問到是否已揀定嫁粧？她甜笑表示︰「嫁粧唔使自己揀嘅。」是否要等男友在下月「萬千星輝頒獎禮」奪視帝才結婚？Bowie想了想說︰「我覺得好難話計劃唔計劃，現階段未適合住，仲有好多抱負喺工作上。（雙方有時間表？）好難講到將來嘅嘢，呢一刻想喺工作上再努力。（袁偉豪話ready，只係畀時間你發展事業？）係咩？將個擔子拋畀我？佢依家事業發展得咁好，佢都需要時間去做得更好。」

Bowie表示台慶頒獎禮會投票支持男友，她說︰「我相信佢嘅能力，如果佢得獎，我會準備啲驚喜畀佢。（如果佢喺台上求婚？）私下會好啲，希望呢個時刻係兩個人。」Bowie又笑指若對求婚有憧憬，通常都不會成真，所以不會想太多。

陳貝兒自認佛系識男仔

至於正修讀法國甜品課程的陳貝兒，揚言如果考試成績好，可以到法國實習，她說︰「至少要去一星期，老師都讚我有天份，希望可以去到啦。」聖誕節將至，陳貝兒透露有很多朋友搞派對，想介紹男生給她認識，不過她自嘲︰「我呢方面係佛系，緣分到就會出現。」

撰文︰倪小珊

編輯︰黃寶恩

美術︰梁政敏