長江集團 獲頒公益金「慈善家大獎」

長江集團一向對「公益金」支持有加，繼年中榮膺公益金年度最高籌款機構第2位後，喺前晚舉行嘅公益金50周年慈善晚宴，長江集團再獲公益金頒發「慈善家大獎」，長江實業集團有限公司副董事總經理甘慶林喺公益金會長李業廣太平紳士見證下，代表長江集團接受特首林鄭月娥頒發殊榮。

黛安知道，長江集團同埋成員公司一路以嚟都默默支持公益金嘅活動，好似今年係公益金成立50周年，長江集團就特別為公益金獻上咗50周年特別捐款同「長江公益熱線」加碼配對，做善事真係不遺餘力，一浪接一浪呀！