孖陳法蓉創業 朱茵唔怕因財失義

朱茵與陳法蓉前晚出席二人創立的護膚品牌晚宴，提到在內地發展護膚品生意，她們異口同聲笑言因貪靚而投資，又笑言大家感情好，絕不擔心做生意會反面。

朱茵及陳法蓉的護膚品牌已成立一年，問她們為何不預其餘兩位好姊妹蔡少芬（Ada）及洪欣一份，齊齊做老闆？朱茵說：「本來拉埋佢哋落水，但佢哋太忙。」法蓉亦笑說：「大家鍾意嘅嘢唔同，Ada有自己嘅童裝品牌，我哋就好貪靚。」朱茵聞言亦笑指自己有興趣做童裝生意，老公黃貫中（Paul）十分支持她。至於投資多少錢，她們笑言沒刻意計算：「無咁快賺大錢，會放長綫釣大魚。」

另外，提到朱茵女兒黃鶯明年升小一，朱茵笑言近來一切以囡囡為先：「呢幾個月不斷面試做準備。（老公不習慣？）無得慣唔慣，全香港所有家長面對嘅嘢，我哋都要面對，只能嘆一句喺香港做小朋友好辛苦。」但她笑言只要囡囡講一句，老公多辛苦也會冧暈。

撰文：Pauline

編輯：李潔盈

美術：梁政敏